संजय गडदे

Mumbai Crime News : मुंबईतील अंधेरी परिसरात अमेरिकन महिलेसमोर हस्तमैथुन करणाऱ्या टॅक्सी चालकाला अंधेरी पोलिसांनी अटक केली आहे. योगेंद्र उपाध्याय असं अटक करण्यात आलेल्या टॅक्सी चालकाचे नाव आहे. ही घटना शनिवारी दुपारी घडली असल्याचं समजतं. (Latest Marathi News)

मुंबईत (Mumbai) फिरण्यासाठी आलेल्या अमेरिकन महिलेला मुंबईतील टॅक्सी चालकाच्या कृतीचा विचित्र अनुभव आला. अमेरिकन महिलेने एक खासगी टॅक्सी बुक केली होती. प्रवास करताना टॅक्सी (Taxi) अंधेरी परिसरात पोहोचताच टॅक्सी चालकाने महिलेसमोरच हस्तमैथुन करण्यास सुरुवात केली.

कॅब (टॅक्सी)चालकाच्या या कृतीमुळे ती महिला चांगलीच गोंधळून गेली. महिलेला सुरुवातीला हा प्रकार काही समजला नाही. मात्र महिलेने जोरजोरात ओरडण्यास सुरुवात केली. लोक जमा झाले आणि त्याच काळात टॅक्सी चालक योगेंद्र उपाध्याय हा पळून गेला.

मात्र, अंधेरी पोलिसांनी अवघ्या एक तासाच्या आतच टॅक्सी चालक योगेंद्र उपाध्याय याला अटक केली. पोलिसांनी टॅक्सी चालका विरोधात भादवी कलम 354 आणि 509 नुसार गुन्हा दाखल केला आहे. आरोपीला न्यायालयात उभे केले असता न्यायालयाने त्याला दोन दिवसांची पोलीस कोठडी सुनावली आहे.