Delhi Crime News : श्रद्धा वालकर घटनेची पुनरावृत्ती; मुलाच्या मदतीनं नवऱ्याला संपवलं, तुकडे करून फ्रीजमध्ये ठेवले

दिल्लीत धक्कादायक घटना उघड झालीय. महिलेनं पतीच्या शरीराचे तुकडे करून ते फ्रीजमध्ये ठेवले. नंतर मुलाच्या मदतीनं त्यांची विल्हेवाट लावली.
Delhi Crime News / CCTV Footage
Delhi Crime News / CCTV Footage SAAM TV

Delhi Crime News : श्रद्धा वालकर हत्या प्रकरणानं संपूर्ण देश हादरला असतानाच, दिल्लीत अशीच आणखी एक घटना घडली आहे. दिल्ली पोलिसांच्या क्राइम ब्रांचच्या पथकाला पूर्व दिल्लीत सापडलेल्या शरीराच्या अवयवांचं गूढ उकलण्यात यश आले आहे. या प्रकरणात एका महिलेसह तिच्या मुलाला अटक करण्यात आली आहे.

दिल्ली पोलिसांच्या क्राइम ब्रांचनं दिलेल्या माहितीनुसार, महिलेने आपल्या मुलाच्या साथीने पतीची हत्या केली. तिच्या पतीचं अन्य एका महिलेसोबत अनैतिक संबंध होते, असं सांगितले जात आहे. महिलेने पतीच्या हत्येनंतर त्याचे २२ तुकडे केले आणि फ्रीजमध्ये ठेवले. त्यानंतर ते पूर्व दिल्लीतील वेगवेगळ्या ठिकाणी फेकले. (Latest Marathi News)

Delhi Crime News / CCTV Footage
Shraddha News Update: श्रद्धा वालकर हत्या प्रकरणी नवीन अँगल; अंमली तस्कर पोलिसांच्या ताब्यात

पांडव नगरमध्ये राहणाऱ्या अंजन दास याची हत्या याच वर्षी जूनमध्ये झाली होती. त्याच्या हत्येनंतर शरीराचे तुकडे करून ते फ्रीजमध्ये ठेवण्यात आले होते. त्यानंतर रोज ते तुकडे पांडव नगर आणि पूर्व दिल्लीच्या वेगवेगळ्या परिसरांत फेकण्यात आले होते. अंजन दासची पत्नी पूनम आणि त्याचा मुलग दीपक यांनी त्याची हत्या केल्याचा आरोप आहे. अंजन दासला नशेच्या गोळ्या दिल्या. त्यानंतर त्याची हत्या करण्यात आली, अशी माहिती उघड झाली आहे. (Crime News)

Delhi Crime News / CCTV Footage
Shraddha Walker Case : श्रद्धा वालकर प्रकरणी नवा ट्विस्ट; आफताबच्या कबुलीच्या वृत्तावर वकिलांचा नवा खुलासा

मिळालेल्या माहितीनुसार, अंजन दास याची हत्या ही अनैतिक संबंधांतून झाली आहे. मृतदेहाचे तुकडे घेऊन जाताना आरोपी सीसीटीव्हीत कैद झाले आहेत. आरोपी पूनम आणि तिचा मुलगा दीपक यांनी अनैतिक संबंधांवरून दास याची जूनमध्ये हत्या केली होती. दासची हत्या करण्याआधी त्याला झोपेच्या गोळ्या पेयातून दिल्या.

आरोपींनी कथितरित्या त्याच्या शरीराचे तुकडे केले. ते फ्रीजमध्ये ठेवले. हे प्रकरण लपवण्यासाठी ते तुकडे पांडव नगर परिसर आणि पूर्व दिल्लीत वेगवेगळ्या ठिकाणी फेकून दिले. सीसीटीव्ही फुटेजमध्ये दीपक हा रात्री उशिरा बॅग घेऊन फिरताना दिसल्याचे पोलिसांचे म्हणणे आहे. तुकडे फेकतानाही फुटेजमध्ये आढळून आले आहे. दीपकच्या पाठीमागे त्याची आई पूनमही दिसून आली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com