संजय गडदे

Mumbai Crime News:

मुंबई शहरात अंमली पदार्थांची तस्करी करणाऱ्या एका टोळीचा मुंबई पोलिसांच्या गुन्हे नऊच्या अधिकाऱ्यांनी पर्दाफाश केला. याप्रकरणी एका आरोपीस अटक करण्यात आली आरोपीकडून तब्बल १०२८ ग्रॅम वजनाचा अंमली पदार्थ साठा जप्त केला आहे. अंमली पदार्थाची आंतरराष्ट्रीय बाजार भावाप्रमाणे सुमारे २ कोटी ४ लाख रुपये एवढी किंमत आहे. (Latest Marathi News)

मुंबई पोलिसांच्या गुन्हे शाखा नऊच्या अधिकाऱ्यांनी आरोपीला शिवडी परिसरातून अटक केली आहे. सलीम हरून रशीद खान (44 वर्षे) अस अटक करण्यात आलेल्या आरोपीचे नाव आ

एमडी अंमली पदार्थ पुरवठा करणारा व्यक्ती अद्याप फरार आहे. पोलीस त्याचा शोध घेत आहेत. अटक आरोपीस 25 ऑगस्ट पर्यंत पोलीस कोठडी सुनावण्यात आली आहे.

आर. ए. के. पोलीस ठाण्याच्या हददीत एमडी अंमली पदार्थाचा मोठा साठा एक व्यक्ती घेवून येणार असल्याची माहिती मुंबई पोलिसांच्या गुन्हे प्रकटीकरण शाखा कक्ष नऊ यांना मिळाली होती. या माहितीवरून कक्ष ९ च्या पथकाने शिवडी परिसरातील आदमजी जीवाजी चाळ येथे सापळा रचून एका व्यक्तीस ताब्यात घेतले.

याप्रकरणी आरोपीस अटक करून आरोपी विरोधात गुन्हे प्रकटीकरण शाखेने कलम ८(सी), २२ (सी), २९ एनडीपीएस कायद्याप्रमाणे गुन्हा नोंद केला आहे. या आरोपीच्या विरोधात २ गुन्हे नोंद आहेत, त्यास मा. न्यायालयाने २५/०८/२०२३ रोजी पर्यंत पोलीस कोठडी दिलेली आहे. गुन्हयाचा पुढील तपास पोलीस करत आहे.

सदर, यशस्वी कामगिरी वरिष्ठांच्या मार्गदर्शनाखाली प्रभारी पोलीस निरीक्षक दया नायक, पो.नि सचिन पुराणिक, पो.नि दिपक पवार, स.पो.नि उत्कर्ष वझे, स.पो.नि महेंद्र पाटील, पो.ह. सुनिल म्हाळसंक, भिकाजी खडपकर, सचिन राऊत, महेश मोहिते, राहुल पवार, पो.शि. प्रशांत भुमकर, पो.ह.चा. अविनाश झोडगे, पो.ह. ना. चा. शशिकांत निकम यांच्या पथकाने पार पाडली आहे.