Railway Emergency Block : मध्य-हार्बर रेल्वेने प्रवास करणाऱ्यांसाठी महत्त्वाची माहिती समोर आली आहे. २७/२८ जानेवारी (आज मध्यरात्री) साडेबारा वाजल्यापासून ते चार वाजेपर्यंत छत्रपती शिवाजी महाराज टर्मिनस आणि मस्जिद बंदर या स्थानकादरम्यान विशेष आपत्कालीन ब्लॉक घेण्यात येण्यार आहे. कर्नाक आरओबी (टप्पा-२) च्या पुनर्बांधणीसाठी ओपन वेब गर्डर्सच्या समायोजनासाठी हा ब्लॉक ठेवण्यात आला आहे.

विशेष आपत्कालीन ब्लॉकमुळे रेल्वे वाहतुकीत पुढील बदल करण्यात आले आहेत.

१. ब्लॉक काळात मुख्य मार्गावरील भायखळा ते छत्रपती शिवाजी महाराज टर्मिनस स्थानकांदरम्यान आणि हार्बर मार्गावर वडाळा रोड ते छत्रपती शिवाजी महाराज टर्मिनस स्थानकांदरम्यान उपनगरीय सेवा उपलब्ध राहणार नाहीत.

२. मुख्य मार्गावरील अप आणि डाऊन उपनगरीय सेवा कल्याण, ठाणे, कुर्ला, परळ आणि भायखळा स्थानकांवर संपतील/सुटतील.

३. हार्बर मार्गावरील अप आणि डाऊन उपनगरीय सेवा वडाळा रोड स्टेशनवर संपतील/सुटतील.

मुख्य मार्गावरील ब्लॉकपूर्वीच्या शेवटच्या लोकलची माहिती :

- कर्जतसाठी डाऊन धीमी मार्गावर - छत्रपती शिवाजी महाराज टर्मिनस येथून ००.१२ वाजता सुटेल आणि कर्जत येथे ०२.३३ वाजता पोहोचेल.

- अप धीम्या मार्गावर - छत्रपती शिवाजी महाराज टर्मिनस करीता – डोंबिवली येथून २२.४८ वाजता सुटेल आणि छत्रपती शिवाजी महाराज टर्मिनस येथे ००.१० वाजता पोहोचेल.

मुख्य मार्गावरील ब्लॉकनंतरच्या पहिल्या लोकलची माहिती :

- डाऊन धीमी मार्गावर - कर्जतसाठी - छत्रपती शिवाजी महाराज टर्मिनस येथून ०४.४७ वाजता सुटेल आणि कर्जत येथे ०७.०८ वाजता पोहोचेल.

- अप धीम्या मार्गावर - छत्रपती शिवाजी महाराज टर्मिनस येथून कल्याणसाठी ०३.२३ वाजता सुटेल आणि कल्याण येथे ०४.५६ वाजता पोहोचेल.

हार्बर मार्गावरील ब्लॉकपूर्वीच्या शेवटच्या लोकलची माहिती :

- पनवेलसाठी डाऊन मार्गावर - छत्रपती शिवाजी महाराज टर्मिनस येथून ००.१३ वाजता सुटेल आणि पनवेल येथे ०१.३३ वाजता पोहोचेल.

- अप मार्गावर - छत्रपती शिवाजी महाराज टर्मिनससाठी पनवेल येथून २२.४६ वाजता सुटेल आणि छत्रपती शिवाजी महाराज टर्मिनस येथे ००.०५ वाजता पोहोचेल.

हार्बर मार्गावरील ब्लॉकनंतरच्या पहिल्या लोकलची माहिती :

- डाऊन मार्गावर - पनवेलसाठी - छत्रपती शिवाजी महाराज टर्मिनस येथून ०४.५२ वाजता सुटेल आणि पनवेल येथे ०६.१२ वाजता पोहचेल.

- छत्रपती शिवाजी महाराज टर्मिनससाठी अप मार्गावर - वांद्रे टर्मिनस येथून ०४.१७ वाजता सुटेल आणि छत्रपती शिवाजी महाराज टर्मिनस येथे ०४.४८ वाजता पोहचेल.

दादर येथे अप मेल/एक्सप्रेस गाड्यांचा अल्पकालीन स्थगिती :

१. 12052 मडगाव- छत्रपती शिवाजी महाराज टर्मिनस एक्सप्रेस दि. २७.०१.२०२५ रोजी सुटलेली.

२. 11058 अमृतसर- छत्रपती शिवाजी महाराज टर्मिनस एक्सप्रेस दि. २६.०१.२०२५ रोजी सुटलेली.

३. 22120 मडगाव- छत्रपती शिवाजी महाराज टर्मिनस तेजस एक्सप्रेस दि. २७.०१.२०२५ रोजी सुटलेली.

४. 11020 भुवनेश्वर - छत्रपती शिवाजी महाराज टर्मिनस कोणार्क एक्सप्रेस दि. २६.०१.२०२५ रोजी सुटलेली.

हे ब्लॉक पायाभूत सुविधांच्या विकासासाठी आवश्यक आहेत. या ब्लॉकदरम्यान प्रवाशांनी सहकार्य करावे अशी विनंती रेल्वे प्रशासनाने केली आहे.