सध्या मे महिन्याच्या सुट्ट्या असल्यामुळे अनेकजण कोकणात जात आहे. आता मुंबई गोवा महामार्गावरुन प्रवास करणाऱ्यांसाठी दिलासादायक बातमी समोर आली आहे.परशुराम घाटातून प्रवास आता सुखकर होणार आहे.

मागील अनेक वर्षांपासून सुरू असलेले डोंगरकटाई, रॉक बोल्टिंग, रिटेनिंग वॉल आणि गॅबियन वॉलचे काम आता अंतिम टप्प्यात पोहोचले आहे. घाटातील दुसरी लेनही वाहतुकीसाठी सुरू करण्यात आली आहे. यामुळे वाहतुक कोंडी होत नाहीये. प्रवाशांना आरामात महामार्गावरुन प्रवास करता येत आहे.

परशुराम घाटातील प्रवास सुरक्षित होणार (Parshuram Ghat Work)

परशुराम घाट हा मुंबई-गोवा महामार्गावरील अत्यंत महत्त्वाचा आणि संवेदनशील घाट मानला जातो. पावसाळ्यात दरडी कोसळणे, दगड-माती रस्त्यावर येणे तसेच गॅबन वॉल वाहून जाण्याच्या घटना अनेकदा घडल्या होत्या. त्यामुळे काही वेळा घाट वाहतुकीसाठी बंद ठेवण्याची वेळ प्रशासनावर आली होती.मात्र, आता सुमारे 80 ते 85 टक्के काम पूर्ण झाल्याने यंदाच्या पावसाळ्यात प्रवास अधिक सुरक्षित आणि सुखकर होण्याची शक्यता व्यक्त केली जात आहे. घाटामध्ये करण्यात आलेल्या रॉक बोल्टिंगमुळे डोंगराचा भाग अधिक मजबूत करण्यात आला असून रिटेनिंग वॉलमुळे माती आणि दगड रस्त्यावर येण्याचा धोका कमी होणार आहे.

परशुराम घाटातील दुसरी लेन सुरु (Parshuram Ghat Work Update)

विशेष म्हणजे घाटातील दुसरी लेन सुरू झाल्याने वाहतूक कोंडी कमी होण्यास मदत होणार असून मुंबई-गोवा मार्गावरील प्रवाशांना मोठा दिलासा मिळणार आहे. पावसाळ्याच्या पार्श्वभूमीवर प्रशासन आणि संबंधित यंत्रणांकडून उर्वरित कामही वेगाने पूर्ण करण्यात येत आहे. त्यामुळेच कोकण, गोव्याला जाणाऱ्या प्रवाशांना खूप फायदा होणार आहे.