wedding celebrations turned tragic due to house fire in Mumbai : घरात लेकाच्या लग्नाची लगबग सुरू होती. पाहुण्यांची वर्दळ सुरूच होती. आज लग्नाची मिरवणूक निघणार होती. पण त्याआधीच सोमवारी काळाने घात केला. घराला अचानक आग लागली अन् क्षणात होत्याचे नव्हते झाले. मुलाच्या आईचा या आगीत मृत्यू झालाय. मुंबईतील विले पार्लेमध्ये घडली. येथील प्रसिद्ध बिल्डर सत्रा यांच्या घरात शोककळा पसरली आहे.

घरात लग्न असल्याने सत्रा कुटुंबाने बिल्डिंग सजलवली होती. भव्य उत्सव होता. घर दिव्यांनी सजवले होते. पण याच रोषणाईने क्षणात सर्व संपवले. घराचा पडदा वाऱ्याने उडाला अन् दिव्याजवळ गेला. पडद्याने क्षणात पेट घेतला.. पाहता पाहता ही आग सगळ्या अपार्टमेंटमध्ये पसरली. मुलाच्या लग्नाआधीच आईचा मृत्यू त्या आगीत झाला. आणखी एका नाताईकाला या आगीत गंभीर जखम झाली. त्यांच्यावर जवळच्या रूग्णालयात उपचार सुरू आहेत.

सोमवारी सकाळी प्रसिद्ध बांधकाम व्यावसायिक जीतू सत्रा यांच्या इमारतीत भीषण आग लागली. सत्रा कुटुंबातील एका वृद्ध महिलेचा मृत्यू झाला आणि आणखी एक महिला जखमी झाली. या घटनेमुळे सर्वत्र भीतीचे वातावरण पसरले. एका अधिकाऱ्यांनी सांगितले की माहिती मिळताच अग्निशमन दलाच्या ६ गाड्या घटनास्थळी पाठवण्यात आल्या. आगीमुळे क्षणात सर्व होत्याचे नव्हते. अग्निशमन दलाने ३ तासात आगीवर नियंत्रण मिळवले, पण तोपर्यंत वेळ गेला होता.

पोलिसांनी सांगितले की, क्षणात आग संपूर्ण घरात पसरली. त्यामुळे विद्युत वायरिंग आणि फिटिंग्ज, फर्निचर, कपडे, घरगुती वस्तू, एअर कंडिशनर, रेफ्रिजरेटर, वॉशिंग मशीन, सजावटीच्या वस्तू आणि स्वयंपाकघराचे नुकसान झाले. आग शेजारच्या अपार्टमेंटमध्येही पसरली होती. अग्निशमन दलाने ४ तासात या आगीवर नियंत्रम मिळवले. शेजारी आणि प्रत्यक्षदर्शींनी सांगितले की, लग्नाच्या विधींसाठी घराच्या मंदिरात दिवा लावण्यात आला होता. या दिव्यानेच आग पेटवली. कुटुंबातील एका ओळखीच्या व्यक्तीने सांगितले की, फक्त दोन महिला - भावना भारत सत्रा (६२), एका विकासकाची पत्नी आणि अनेरी जितेंद्र सत्रा (३४) अपार्टमेंटमध्ये होत्या, तर कुटुंबातील इतर सदस्य टेरिसवर होते. या आगीत भावना भारत सत्रा यांचं निधन झाले. अनेरी या १० टक्के भाजल्या गेल्यात. त्यांच्यावर नानावटी रूग्णालयात उपचार सुरू आहेत.