संजय गडदे, साम टीव्ही

मुंबई : मुंबईत आगीचं सत्र सुरुच असल्याचं पाहायला मिळत आहे. मुंबईत एका सीएनजी बसला आग लागल्याची घटना घडली आहे. मुंबईच्या ओशिवरा डेपोतील बसला आग लागल्याची घटना घडली आहे. या बसला आग लागल्यानंतर क्षणार्धात आगीचा भडका उडाला. या बसला आग लागल्यानंतर परिसरात एकच खळबळ उडाली.

मिळालेल्या माहितीनुसार, मुंबईच्या ओशिवरा डेपोत असणाऱ्या बसला आग लागल्याची घटना घडली आहे. दुरुस्ती करत असताना सीएनजी बसने अचानक पेट घेतल्याची घटना घडली आहे. बसने पेट घेतल्यानंतर नागरिकांची एकच धावाधाव झाली. या आगीचा भयंकर व्हिडिओ समोर आला आहे.

ओशिवरामध्ये आग लागलेली ही सीएनजी बस खासगी कंत्राटदार हंसा सिटी यांच्या मालकीची असल्याची माहिती मिळाली आहे. या सीएनजी बस दुरुस्तीचं काम सुरु असताना अचानक आग लागली. या आगीमुळे बसचं मोठ्या प्रमाणात नुकसान झालं आहे. डेपोतील अग्निविरोधक यंत्राच्या साहाय्याने बसला लागलेली आग विझविण्याचा प्रयत्न सुरु करण्यात आला आहे.

व्हिडिओमध्ये नेमकं काय दिसत आहे?

सीएनजी बसची दुरुस्ती सुरु होती. दुरुस्तीचं काम सुरु असताना अचानक बसने पेट धरला. बसला लागलेल्या आगीचा काही क्षणार्धात भडका उडाला. या आगीने काही वेळानंतर रौद्ररुप धारण केलं. या आगीने परिसरातील लोक घाबरून गेले. त्यांनी आगीवर नियत्रंण मिळवण्यास सुरुवात केली. त्यांनी बसजवळील कार मागे घेतली. या आगीमुळे परिसरात धुराचे लोट पसरले. आग लागल्यानंतर स्थानिकांनी अग्निशमन दलाला माहिती दिली. या आगीत बसचं मोठं नुकसान झालं.