संजय गडदे, मुंबई प्रतिनिधी

Dadar matunga murder case accused details : एकाच दिवशी तीन हत्यांनी मुंबई हादरली आहे. मुंबईत दादर, खेरवाडी आणि माटुंगा परिसरात पूर्व वैमन्यसातून तीन हत्या झाल्याचे समोर आले. मुंबई पोलिसांकडून या तिन्ही प्रकाराचा तपास केला जात आहे. आरोपींचा शोध पोलिसांकडून घेत आहे. दादर आणि माटुंगासारख्या भागात असा प्रकार घडल्याने मुंबईमध्ये खळबळ उडाली असून सुरक्षेचा प्रश्न ऐरणीवर आलाय.

बायकोसमोर नवऱ्याची हत्या -

दादरमध्ये पूर्व वैमन्यसातून ७ जणांनी एका व्यक्तीची पत्नीसमोर बेदम मारहाण करून हत्या केली. अंकुश आंबेकर असे या तरुणाचे नाव आहे. पूर्ववैमन्यसातून अंकूश याचा गौरव सनस याच्याशी वाद होता. याच वादातून रविवारी अंकुश हा आपल्या पत्नीसोबत मित्र भूपेंद्र सोलंकी याला भेटायला जात होता. गौरव सनस, अनिल पटेल, राजेश पटेल, सिद्धेश पटेल, साहिल राणे, अविनाश खवरे, अजय यादव या आरोपींनी अंकुशची नको सयाजी वाडी येथे वाट अडवली. आरोपींनी अंकूशला बेदम मारहाण केली. या मारहाणीत अंकुश हा गंभीर जखमी झाला. त्याला उपचारा करता परळच्या के ई एम रुग्णालयात नेले होते. पण उपचारा दरम्यान अंकुशराव मृत्यू झाला. अंकुशच्या पत्नीने दिलेल्या तक्रारीनुसार दादर पोलिसांनी गुन्हा नोंदवून ७ आरोपींना अटक केली आहे, तर इतर ३ आरोपांचा शोध सुरू आहे

पार्किंगच्या वादात एकाला संपवले -

माटुंगा येथे गाडी पार्किॅगचा वाद विकोपाला केल्याने दोघांनी नरेश वाघेला या ज्येष्ठ नागरिकांची हत्या केली. दादर टाटा येथील ब्रिजखाली वाहन उभी करू नये, यासाठी वाघेला हे आरोपीला सांगण्यास गेले होते. आरोपी साहिल घाडगे आणि शाहबाज मो रफिक शेख या दोघांशी वाघेला यांचा शाब्दिक वाद झाला. यावेळी वाघेला यांच्यासोबत त्यांची पत्नी सविता याही होत्या, अचानकपणे दोन्ही आरोपींनी वाघेला यांना मारहाण करत आरोपींनी पळ काढला. या मारहाणीत वाघेला हे गंभीर झाले, त्यांना उपचारांसाठी परळच्या के ई एम रुग्णालयात नेले असता डाॅक्टरांनी वाघेला यांना मृत घोषित केले.

खेरवाडीत एकाची हत्या -

खेरवाडीत पूर्व वैमन्यसातून एकावर धारधार शस्त्राने वार करत हत्या केल्याची घटना समोर आली. जुन्या शाब्दिक वादातून खेरवाडीच्या कल्पतरू स्पार्कल्स येथे अभिनव चौधरी यांची हत्या दोन अज्ञात व्यक्तींनी केली. या प्रकरणी अभिनवच्या कुटुंबियांनी दिलेल्या तक्रारीनुसार गुन्हा नोंदवण्यात आला आहे. खेरवाडीपोलिस आरोपींचा शोध घेत आहेत.