मयूर राणे, साम प्रतिनिधी

मुलुंड परिसरात घडलेल्या घटनेने संपूर्ण मुबंई शहर हादरलं आहे. बोलणं बंद केल्याच्या रागातून एका तरुणाने 16 वर्षीय मुलीवर आणि तिच्या मित्रावर कोयत्याने जीवघेणा हल्ला केला. आशिष बनसोड असं आरोपीचं नाव असून पोलिसांनी त्याला अटक केली आहे. पीडिता आणि आरोपी हे बदलापूरचे रहिवासी असून एकमेकांना ओळखतात.

मिळालेल्या माहितीनुसार, आरोपी आशिष बनसोड एकमेकांना ओळखत होते. काही वैयक्तिक कारणांमुळे मुलीने आरोपीशी बोलणं बंद केलं होतं. याचा राग मनात धरत आरोपीने मुलुंडमध्ये तरुणीला कॉलेजजवळ तिला गाठलं आणि कोयत्याने तिच्या गळ्यावर वार केला.

तिच्यासोबत असलेल्या मित्रावरही तरुणाने हल्ला केला. दरम्यान हल्ल्यानंतर दोघांनाही जीवे मारण्याची धमकी आरोपीने दिली. या प्रकरणी मुलुंड पोलीस ठाण्यात गुन्हा दाखल करण्यात आला आहे. मुलुंड पोलिसानी आरोपीला कोयत्यासह अटक केली आहे. आरोपी आशिषवर बदलापूरमध्ये विविध गुन्हे दाखल आहेत. या गुन्ह्याचा तपास मुलुंड पोलीस करीत आहेत. घटनेनंतर पुन्हा एकदा महिलांच्या सुरक्षेचा मुद्दा ऐरणीवर आला आहे.