संजय गडदे
Mumbai Latest Crime News : मुंबईत धक्कादायक घटना समोर आली आहे. वांद्रे येथील एका महिलेच्या घराच्या दाराबाहेरच तरुणाने अश्लील चाळे केल्याची घटना घडली आहे. या प्रकरणी वांद्रे पोलिसांनी गुरुवारी एका तरुणाला अटक केली. ही सर्व घटना सीसीटीव्हीत कैद झाल्याचे सांगण्यात येत आहे.
मिळालेल्या माहितीनुसार, मुंबईतील वांद्रे येथे ही घटना घडली आहे. विकृत तरुणाने एका महिलेच्या घराच्या दरवाजासमोरच हस्तमैथुन केलं. या प्रकरणी मुंबईच्या वांद्रे पोलिसांनी संशयित आरोपीला अटक केली आहे. आरोपी हा वांद्रे परिसरातील बाजार रोड भागात राहणारा असून, सध्या तो पोलीस कोठडीत आहे. (Crime News)
पोलिसांनी दिलेल्या माहितीनुसार, वांद्रे पश्चिमेकडील एका इमारतीत राहणाऱ्या महिलेच्या फ्लॅटच्या दरवाजाची कोणीतरी बेल वाजवली. त्या महिलेने आतील दरवाजा उघडण्यापूर्वी दरवाजाच्या पिन होल कॅमेरामधून समोरील व्यक्ती कोण आहे हे बघितले. बाहेरचं दृश्य बघून तिला धक्काच बसला. बाहेर उभा असणारा तरूण अश्लील चाळे करत असल्याचे दिसून आले.
हे दृश्य पाहून ती महिला प्रचंड गोंधळली आणि तिने आरडाओरडा करण्यास सुरुवात केली. तिने हा घडलेला प्रकार पोलिसांना कळवला. मात्र पोलीस येण्यापूर्वीच तो विकृत तरूण तिथून पसार झाला. यानंतर महिलेच्या तक्रारीवरून आरोपीविरोधात गुन्हा दाखल केला. पोलिसांनी आरोपीला ताब्यात घेतले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.