Summary -

• भोंदूबाबाने भूतप्रेताच्या नावाखाली महिलेला फसवलं

• फार्महाऊसवर बोलावून वारंवार अत्याचार

• अंधश्रद्धेचा गैरफायदा घेत महिलेवर बलात्कार केला

• पोलिसांनी आरोपीला अटक करून तपास सुरू केला

संजय गडदे, मुंबई

नाशिकच्या अशोक खरात प्रकरणाने संपूर्ण राज्याला हादरवून टाकले. या प्रकरणानंतर राज्यभरातून एकापाठोपाठ एका भोंदूबाबाची प्रकरणं समोर येत आहेत. अशोक खरातनंतर मुंबईतील एका अशा भोंदूबाबाचा कारनामा समोर आला आहे ज्याने भूतप्रेत उतरवतो सांगून एक महिलेवर बलात्कार केला. भोंदूबाबाने या महिलेला योनीतील स्राव पाहिजे असे सांगून तिच्यावर अनेक वेळा बलात्कार केला. हे प्रकरण समोर आल्यानंतर मुंबई हादरली. महिलेने या भोंदूबाबाविरोधात पोलिस ठाण्यात तक्रार दाखल केली असून पोलिसांनी तिच्याविरोधात गुन्हा दाखल करत त्याला अटक केली.

बाबाजान उर्फ अब्दुल रशीद असे या भोंदूबाबाचे नाव आहे. हा भोंदूबाबा नवी मुंबईतल्या कळंबोली येथे राहतो. त्याने मुंबईतल्या सांताक्रुझ येथे राहणाऱ्या महिलेची फसवणूक करत तिच्यावर बलात्कार केला. आरोपीने तिला रायगडच्या महड येथील एका फार्म हाऊसवर बोलावून त्याठिकाणी भूतप्रेत उतरवतो सांगून तिच्यावर बलात्कार केला.

बाबाजान या भोंदूबाबाने या महिलेला सांगितले की, तुझ्या नवऱ्यावर त्याचंच स्पर्म वापरून काळीजादू करण्यात आली आहे. ही काळीजादू उतरवण्यासाठी तिच्या योनीतील स्राव हवं आहे. यासाठी या भोंदूबाबाने या महिलेला महड येथील फार्म हाऊसवर बोलावून घेतलं. त्याने भूतप्रेत उतरवतो असे सांगून या महिलेवर वारंवार बलात्कार केला. त्यानंतर या महिलेच्या मुलीचे आजारपण हे देखील काळीजादू असल्याचं सांगून तिच्यावर पुन्हा बलात्कार केला.

तसंच भूताने झपाटल्याने तुझं नवऱ्याशी भांडण होत आहे. तुझी मुलगी आजारी पडत आहे आणि तू पण आजारी पडशील असे सांगून त्याने या महिलेवर वेळोवेळी बलात्कार केला. ऑगस्ट २०२४ ते डिसेंबर २०२४ या दरम्यान महाड, पनवेल, नवी मुंबई येथे बोलवून या भोंदूबाबाने या महिलेवर लैंगिक अत्याचार केले. या भोंदूबाबाच्या त्रासाला कंटाळून पीडित महिलेने सांताक्रूझ पोलिस ठाण्यात धाव घेत तक्रार दाखल केली. पोलिसांनी आरोपीविरोधात महाराष्ट्र नरबळी आणि जादूटोणा प्रतिबंध कायद्यानुसार गुन्हा दाखल करत त्याला अटक केली. मुस्लिम सत्यशोधक मंडळाचे अध्यक्ष शमशुद्दीन तांबोळी यांनी पत्रक काढत समाजातील लोकांना सावध केलं.