Mumbai Weather News : गेल्या काही दिवसांपासून राज्यभरात सर्वत्र शीत लहर दिसून येत आहे. हवामान खात्याने दिलेल्या अंदाजानुसार रविवारी मुंबईत थंडीचा पारा हा 15 अंश खाली गेला तर ठाण्यामध्ये 16.2 अंश इतका होता.

वाढलेल्या थंडीमुळे सर्वत्र धुक्यांची चादर दिसून येत आहे. त्यामुळे नागरिक वाढत्या थंडीसोबतच धुक्यांचा देखील आनंद लुटत आहेत.

त्यातच हिमालयतील बर्फवृष्टी आणि त्यातून उत्तरेकडील राज्यात थंडीची लाट पुन्हा तीव्र झाल्याने पुढील दोन-तीन दिवस मुंबईतील हुडहुडी आणखी वाढण्याची शक्यता निर्माण झाली आहे. राज्याचे तसेच प्रामुख्याने मुंबईचे देखील तापमान आणखी उतरण्याचा अंदाज वर्तवण्यात आला आहे.

बदलेल्या हवामानामुळे (Weather) मुंबईतील (Mumbai) तापमानात घट झाल्याने हवेचा दर्जा देखील खालावला आहे. मुंबईतील थंडीबरोबरच इतर राज्यातही गारवा कायम आहे. धुळ्यात थंडीचा जोर अद्याप कायम असून नागरिकांना देखील हुडहुडी भरली आहे.

धुळ्यात आज सकाळी सहा पूर्णांक पाच अंश सेल्सिअस इतक्या तापमानाची नोंद करण्यात आली आहे, कालच्या तुलनेमध्ये आज एक अंशाने तापमानात वाढ झाल्यामुळे धुळेकरांना थंडीपासून काहीसा दिलासा मिळाला आहे, परंतु हवेत गारवा अद्यापही मोठ्या प्रमाणात जाणवत असल्यामुळे धुळेकरांना थंडीचा (Cold) सामना करावा लागत आहे, पुढील काही दिवस अद्यापही थंडीचा जो असाच प्रकारे कायम राहणार असल्याचे हवामान विभागातर्फे वर्तविण्यात आले आहे. नववर्षाची चाहूल लागण्यापूर्वी थंडीचा तडाखा राज्यभरात दिसून आला. आता हा पारा संक्रांतीनंतर पुन्हा दिसून येत आहे.