राज्यातील विविध स्थानिक स्वराज्य संस्थांच्या निवडणुका 31 जानेवारीपूर्वी घेण्यात याव्यात असे आदेश सुप्रीम कोर्टानं दिलेत. त्यानंतर सर्व पक्षांकडून मोर्चेबांधणी उमेदवारांची चाचपणी केली जातेय. दुसरीकडे स्थानिक स्वराज्य संस्थांच्या निवडणुकीची तयारी प्रशासन आणि राज्य निवडणूक आयोग करत आहे. निवडणुकीची तयारी चालू असतानाच नवनियुक्त चार सहायक आयुक्तांच्या पदस्थापनांचे आदेश जारी करण्यात आलेत.

बृहन्मुंबई महानगरपालिकेतील 'सहायक आयुक्त’ संवर्गातील रिक्त पदांसाठी महाराष्ट्र लोकसेवा आयोगाने परीक्षेअंती शिफारस केलेल्या चार सहायक आयुक्तांच्या पदस्थापनेचे आदेश देण्यात आलेत. महानगरपालिका आयुक्त भूषण गगराणी यांनी याबाबत आज आदेश जारी केलेत.

चार आदेश पुढीलप्रमाणे

आरती भगवान गोळेकर - सहायक आयुक्त, आर दक्षिण विभाग

संतोष गोरख साळुंखे - सहायक आयुक्त, सी विभाग

वृषाली पांडुरंग इंगुले - सहायक आयुक्त, एफ दक्षिण विभाग

योगेश रंजीतराव देसाई - सहायक आयुक्त, बी विभाग

बदलीविषयक आदेश पुढीलप्रमाणे

नितीन शुक्ला, सहायक आयुक्त (बी विभाग) तसेच सहायक आयुक्त के पूर्व (अतिरिक्त कार्यभार) - सहायक आयुक्त (के पूर्व विभाग)

संजय इंगळे, सहायक आयुक्त (सी विभाग) - नगर अभियंता विभागाकडे प्रत्यावर्तीत

महेश पाटील, सहायक आयुक्त, एफ दक्षिण विभाग - सहायक आयुक्त, एस विभाग

अलका ससाणे, सहायक आयुक्त, एस विभाग - सहायक आयुक्त, बाजार विभाग

मनीष साळवे, सहायक आयुक्त, आर दक्षिण विभाग - नगर अभियंता विभागाकडे प्रत्यावर्तीत

महानगरपालिकेतील सहायक आयुक्त संवर्गात एकूण 14 उमेदवारांची महाराष्ट्र लोकसेवा आयोगाकडून शिफारस करण्यात आली होती. त्यापैकी 6 उमेदवारांची यापूर्वीच सहायक आयुक्त पदावर पदस्थापना करण्यात आलीय. तर आज आणखी चार सहायक आयुक्तांना पदस्थापना देण्यात आली आहे.