मुंबईकरांसाठी महत्त्वाची बातमी आहे. मध्य रेल्वेवर शनिवारी आणि रविवारी रात्री विशेष ब्लॉक घेण्यात येणार आहे. भायखळा स्थानकावर फुट ओव्हर ब्रिज गर्डर्स बसवण्यासाठी आणि शीव स्थानकावर सार्वजनिक पादचारी पूलाचे (फूट ओव्हर ब्रिज) गर्डर्स बसवण्याचे काम होणार आहे. त्यामुळे दोन विशेष ट्रॅफिक व पॉवर ब्लॉक्स घेण्यात येणार आहे.

मध्य रेल्वे भायखळा स्थानकावर फुट ओव्हर ब्रिजचे ४ स्टील गर्डर्स बसवण्यासाठी 110MT रोड क्रेन वापरण्यात येणार आहे. तर शीव रेल्वे ओव्हर ब्रिज येथे सार्वजनिक फुट ओव्हर ब्रिज चा ४० मीटर स्पॅन बसवण्यासाठी 250T रोड क्रेन वापरून हे काम केले जाणार आहे. त्यामुळेच शनिवारी आणि रविवारी रात्री दीड ते ४.३० वाजेपर्यंत हे ब्लॉक असणार आहे. यामुळे भायखळा ते परेलदरम्यान ब्लॉक घेण्यात येणार आहे. याचसोबत अप व डाउन धिम्या आणि जलद मार्गावर दादर आणि कुर्ला दरम्यान ब्लॉक घेतला जाणार आहे.

ब्लॉकमुळे मेल/एक्सप्रेस गाड्यांवर होणारे परिणाम

मेल गाड्यांचे वेळापत्रक

ट्रेन क्रमांक 11020 (भुवनेश्वर - छत्रपती शिवाजी महाराज टर्मिनस कोणार्क एक्सप्रेस) कुर्ला येथे ०३:२८ ते ०४:१५ तासांपर्यंत नियंत्रित केली जाईल आणि दादर येथे शॉर्ट टर्मिनेशन केली जाईल.

ट्रेन क्रमांक 12810 हावडा-छत्रपती शिवाजी महाराज टर्मिनस एक्सप्रेस ठाणे येथे ०३:४३ ते ०४:०० तासांपर्यंत नियंत्रित केली जाईल आणि दादर येथे शॉर्ट टर्मिनेशन केली जाईल.

उपनगरीय लोकलवर होणारे परिणाम

दादर येथून २२.१८ वाजता सुटणारी दादर- कुर्ला लोकल रद्द राहील.

कल्याण येथून २३.१५ वाजता सुटणारी कल्याण- छत्रपती शिवाजी महाराज टर्मिनस लोकल रद्द राहील.

कसारा येथून २२.०० वाजता सुटणारी कसारा - छत्रपती शिवाजी महाराज टर्मिनस लोकल ठाणे येथे २३.४९ वाजता शॉर्ट टर्मिनेट होईल.

छत्रपती शिवाजी महाराज टर्मिनस येथून ००.२४ वाजता सुटणारी छत्रपती शिवाजी महाराज टर्मिनस -ठाणे लोकल रद्द राहील.

छत्रपती शिवाजी महाराज टर्मिनस येथून ०४.१९ वाजता सुटणारी छत्रपती शिवाजी महाराज टर्मिनस -कसारा लोकल ठाणे येथून ०५.१४ वाजता शॉर्ट टर्मिनेट होईल.

ठाणे येथून ०४.०४ वाजता सुटणारी ठाणे- छत्रपती शिवाजी महाराज टर्मिनस लोकल रद्द राहील.