सचिन गाड, प्रतिनिधी...

Borivali News: एकीकडे राज्यभरात आषाढी एकादशीचा उत्साह सुरू असतानाच बोरीवलीमधून एक ह्रदयद्रावक घटना घडली. बोरिवलीच्या गणपत पाटीलनगर येथे घराचा पोटमाळा कोसळला. ज्यामध्ये दीड महिन्याच्या बाळाचा दुर्देवी मृत्यू झाल्याचे समोर आले आहे. या मन सुन्न करणाऱ्या घटनेने परिसरात एकच खळबळ उडाली आहे.

याबाबच अधिक माहिती अशी की, घराचा पोटमाळा कोसळून झालेल्या अपघातात कुटुंबाने आपलं दीड महिन्याचं बाळ गमावल्याची घटना घडली आहे. पोटमाळा कोसळल्याने झालेल्या अपघातात या तान्ह्या बाळाचा मृत्यू झाला आहे.

बोरीवलीच्या गणपत पाटीलनगर येथे हा प्रकार घडला. बाळ झोपेत असताना अचानक पोटमाळा कोसळला आणि या दुर्घटनेत दीड महिन्यांच्या आर्यन पालचा मृत्यू झाला आहे. या दुर्देवी घटनेने सर्वत्र हळहळ व्यक्त केली जात आहे..

कोल्हापूरात माय-लेकाचा मृत्यू...

कोल्हापुरात (Kolhapur) दुर्देवी घटना घडली आहे. कोल्हापूरच्या पन्हाळा तालुक्यातील नेबापूर येथे विजेच्या तारांचा स्पर्श होवून माय-लेकाचा दुर्देवी मृत्यू झाल्याचे समोर आले. नंदा मगदूम व अजय मुगदुम अशी या दुर्घटनेत मृत्यू झालेल्या मायलेकांची नावे आहेत. (Latest Marathi News)