कल्याण : मलंगगडच्या डोंगर रांगामधील मांगरुळच्या ओसाड डोंगरावर अर्बन फॉरेस्ट उभारण्याचा प्रयोग आता यशस्वी झाला आहे. त्यामुळं बोडक्या डोंगराला आज जंगलाचं स्वरूप आले. (mp shrikant shinde latest marathi news)

मलंगगडच्या डोंगर रांगारील मांगरुळचा गावाचा (village) ओसाड डोंगर पडलेला होता. ५ वर्षांपूर्वी खासदार डॉ. श्रीकांत शिंदे (shrikant shinde) यांच्या माध्यमातून या डोंगरावर अर्बन फॉरेस्ट उभारण्याच्या संकल्पनेतून वृक्षारोपण करण्यात आलं. या डोंगरावर २०१७ साली लोकसहभागातून लाख झाडे (trees) लावण्यात आली होती. मात्र समाज कटकांनी याला दोन ते तीन वेळा आग (fire) लावली होती.

मात्र खा.डॉ. शिंदे , नानासाहेब धर्माधिकारी प्रतिष्ठानचे श्री.सदस्य, ग्रामस्थ आणि वनविभागाकडून यातील झाडे वाचवली आणि त्याची निगा केली. आज हीच झाडे मोठी झाली असून त्यामुळे या ओसाड डोंगराला जंगलाचं स्वरूप आले आहे. या मानवनिर्मित जंगलाची आज खासदार डॉ. श्रीकांत शिंदे यांनी पर्यावरण दिनाचं (world environment day) औचित्य साधत पाहणी केली. यावेळी वृक्षारोपण केले. दरम्यान यावेळी ५ वर्षांपूर्वी लावलेली छोटी छोटी रोपं आज डोक्याच्या वर वाढलेली पाहून खासदार श्रीकांत शिंदेंनी समाधान आणि आनंद व्यक्त केला. डोंबिवली (dombivali) जवळील उंबार्ली डोंगरावर असेल जंगल तयार करण्यासाठी प्रयत्न करणार आहोत असे खासदार डॉ.श्रीकांत शिंदे यांनी नमूद केले.

Edited By : Siddharth Latkar