- सुशील थोरात

Nagar News :

आयोध्यामध्ये प्रभू श्रीरामांचे मंदिर (ayodhya ram mandir) होतंय म्हणून तुमच्या भागातील लोकप्रतिनिधी साखर वाटत आहेत. मात्र ते ज्या वेळेला साखर वाटायला येतात तेव्हा त्यांना आधी हा प्रश्न विचारा की, केवळ साखर देऊन आमची तोंड बंद करण्यापेक्षा जेव्हा कांद्याची निर्यात बंदी सरकारने लादली तेव्हा तुमचं तोंड संसदेत का उघडलं नाही? असे म्हणत खासदार अमोल कोल्हे (mp amol kolhe) यांनी भाजप खासदार सुजय विखे पाटील (mp sujay vikhe patil) यांच्यावर निशाणा साधला. अहमदनगरच्या पिंपळगाव माळवी येथे विविध विकासकामांच्या शुभारंभ प्रसंगी ते बोलत होते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महाराष्ट्राचे 48 खासदार आहेत, त्यापैकी उद्धव ठाकरे गटाचे आणि राष्ट्रवादी शरद पवार गटाचे नऊ खासदार आहेत. बाकीचे भाजपचे, शिंदे गटाचे आणि अजित पवार मित्र मंडळाचे 39 खासदार आहेत. हे 39 खासदार कांदा निर्यात बंदीवर का बोलले नाही असा सवाल अमोल कोल्हे यांनी विचारला आहे. (Maharashtra News)

यावेळी काेल्हे यांनी अजित पवार गटाचा (ajit pawar faction) उल्लेख त्यांनी अजित पवार मित्र मंडळ केला. ते म्हणाले अद्याप निवडणूक आयोगाचा निकाल लागलेला नाही त्यामुळे पक्षाचे नाव घेता येणार नाही, त्यांना मित्रमंडळच म्हणावा लागेल असा टोला त्यांनी लगावला.

एकीकडे मागच्या आठ ते दहा महिन्यांमध्ये दुधाचे दर पाडून त्यांनी शेतकऱ्यांच्या खिशातून करोडो रुपये काढून घेतले. आता काय त्यांनी करोडोची साखर वाटली का? असा सवाल करत खासदार अमोल कोल्हे यांनी हिशोब मांडत खासदार विखेंना चिमटा काढला.

Edited By : Siddharth Latkar