Maval News : मराठ्यांच्या इतिहासाचा साक्षीदार असलेल्या लोहगडावर (lohagad fort) मोठ्या प्रमाणात अनधिकृत बांधकाम करण्यात आलं आहे. या बांधकामामुळे या गडाचे वैभव व पावित्र्य नष्ट होऊ लागले आहे. हे अनधिकृत बांधकाम त्वरित काढण्यात यावे यासाठी ग्रामस्थांनी लोहगावच्या पायथ्याशी मोर्चा काढला. (Maharashtra News)

भारतीय पुरातन विभागाच्या ताब्यात हा लोहगड किल्ला असल्याने या ठिकाणी कोणतेही प्रकारची अतिक्रमण व अनधिकृत बांधकामे होणार नाहीत याची दक्षता घेणे गरजेचे असताना देखील ती दखल घेतली गेली नसल्याने मोठ्या प्रमाणात अतिक्रमण वाढलेला आहे. त्यामुळे ग्रामस्थ नाराज झाले आहेत.

लोहगड आणि तसेच किल्ल्याच्या पायथ्याशी मोठ्या प्रमाणात अनधिकृत बांधकामे वाढत आहेत. त्यामुळे ग्रामस्थांसह शिवप्रेमी आक्रमक झाले आहेत. यावेळी ग्रामस्थांनी पुरातन विभागाच्या प्रतिनिधी अतिक्रमण काढावे यासाठी पत्र ही दिले. दरम्यान या मोर्चाच्या वेळी मोठ्या प्रमाणात पोलीस फाैजफाटा ही उपस्थित होता.

Edited By : Siddharth Latkar