Maharashtra pre-monsoon rain alert : केरळमध्ये शनिवारी मान्सून धडकला अन् महाराष्ट्रात मान्सूनपूर्व पावसाने धुमाकूळ घातला. पुढील तीन दिवस राज्यात मुसळधार ते अति मुसळधार पावसाची शक्यता वर्तवण्यात आली आहे. आज सकाळपासूनच मुंबई आणि पुण्यामध्ये कोसळधारा सुरू आहे. मुंबईमध्ये पावसाची रिपरिप सुरू आहे. तर पुणे आणि घाटमाथ्यावर पावसाचा धुमाकूळ आहे. पुढील तीन ते चार तास महाराष्ट्रात मुसळधार ते अतिमुसळधार पावसाचा इशारा हवामान विभागाकडून देण्यात आला आहे. विजांच्या कडकडाटासह धो धो पावसाची शक्यता वर्तवण्यात आली आहे.

मुंबई, ठाणे, पुणे, सातारा आणि सिंधुदुर्ग येथे पुढील ३-४ तासांत (दुपारी २:२० पर्यंत) काही ठिकाणी मध्यम स्वरूपाचा पाऊस पडण्याची शक्यता आहे, असे हवामान खात्याने (IMD मुंबई) जाहीर केले आहे. रायगडमध्ये काही ठिकाणी तीव्र पावसाची शक्यता आहे. काही भागांत वादळी वारे, मेघगर्जना आणि विजांचा कडकडाट होण्याची शक्यता आहे. नागरिकांना बाहेर पडताना खबरदारी घेण्याचा सल्ला देण्यात आला आहे. मुंबई, ठाणे आणि इतर भागांतील रहिवाशांनी पावसाळी परिस्थितीमुळे सतर्क राहावे.

मुंबई आणि उपनगरात मागील काही दिवसांपासून मान्सून पूर्व पावसाने जोरदार हजेरी लावली आहे. शनिवारी रात्रीपासून पावसाच्या सरी कोसळत आहेत. अंधेरी, पवई, भांडूप, दादर आणि कुर्ला परिसरात पाणी साचल्याने वाहतूक कोंडी झाली. हवामान खात्याने पुढील २४ तासांत मुसळधार पावसाचा इशारा दिला आहे. सांताक्रूझ वेधशाळेत २७ मिमी पावसाची नोंद झाली. पवईत झाड कोसळल्याने वाहतूक ठप्प झाली. स्थानिक प्रशासनाने सतर्क राहण्याचे आवाहन केले आहे. नागरिकांना समुद्रकिनारी न जाण्याचा सल्ला देण्यात आला आहे. दरम्यान, हवामान खात्याच्या अंदाजानुसार, दुपारी २:२० पर्यंत मुंबई, ठाणे, पुणे, सातारा आणि सिंधुदुर्गात काही ठिकाणी मध्यम पाऊस पडण्याची शक्यता आहे. रायगडमध्ये तीव्र पावसाची शक्यता आहे. वादळी वारे, मेघगर्जना आणि विजांचा कडकडाट होऊ शकतो. नागरिकांना बाहेर पडताना खबरदारी घेण्याचा सल्ला देण्यात आला आहे. पावसामुळे रस्त्यांवर पाणी साचण्याची शक्यता असून, वाहतुकीवर परिणाम होऊ शकतो. स्थानिकांना सतर्क राहण्याचे आवाहन आहे.