सुशांत सावंत -

मुंबई : "संजय राऊत तुला बाप-बेटे पुरून उरतील, तुझी तेवढी पत्रता देखील नाही", असं म्हणत नारायण राणे यांनी संजय राऊतांच्या ट्विटला प्रतिउत्तर दिलं आहे. शिवसेना खासदार संजय राऊत यांनी मंगळवारी शिवसेनेचं शक्ती प्रदर्शन करत पत्रकार परिषद घेतली. या पत्रकार परिषदेत त्यांनी भाजपवर अनेक आरोप केले. तसेच, त्यापूर्वी त्यांनी भाजपचे साडे तीन नेते तुरुंगात जातील असंही वक्तव्य त्यांनी केलं होतं. त्यानंतर आज नारायण राणे यांनी पत्रकार परिषद घेत संजय राऊतांना जोरदार उत्तर दिलं आहे. (Minister Narayan Rane reaction on Sanjay Rauts tweet).

बाप बेटे जेलमध्ये जाणार, संजय राऊतांच्या ट्विटवर राणे काय म्हणाले?

संजय राऊत (Sanjay Raut) यांनी बुधवारी सकाळी एक खोचक ट्विट केले. राऊत म्हणाले, "बाप बेटे जेल मधे जाणार! Wait and watch! कोठडीचे sanitization सुरू आहे.. जय महाराष्ट्र!".

संजय राऊतांच्या या ट्विटवर आता नारायण राणे (Narayan Rane) यांनी उत्तर देत म्हटलं, "आत जायला तुझ्या हातात काही नाहीये. तुला बाप-बेटे पुरुन उरतील आणि तुझी पात्रताही नाही. आम्हाला दुसऱ्यांच्या हाताची गरज नाही, आमचे हात समर्थ आहेत तुझा समाचार घ्यायला".

"संजय राऊतांची तपासणीची वेळ"

"संजय राऊतांची तपासणी करण्याची वेळ आली आहे. त्यांचा तोल गेलेला आहे. त्यांना काही गोष्टी आठवत नाहीत आणि त्यामुळे ते तणावाखाली चालले आहेत. संजय राऊतांनी काही काळ टीका आणि पत्रकार परिषद घेणे सोडून त्यांच्यावर जे ओढवलं आहे त्याला सामोरे जावं", अससं म्हणत नारायण राणे यांनी राऊतांना सल्ला दिला आहे.

Edited By - Nupur Uppal