मुंबई: राज्यात हिवाळी अधिवेशनाचा आजचा दुसरा दिवस आहे. पहिल्या दिवशीच विरोधकांनी पायऱ्यांवर बसून सरकार विरोधात निदर्शनं केली होती. तर आज अधिवेशनाच्या (Winter Session) दुसऱ्या दिवशीही विरोधक विधान भवनाच्या (Vidhan Bhavan) पायऱ्यांवर बसून सरकार विरोधात घोषणाबाजी (Sloganeering) करत होते, यावेळी आमदार नितेश राणेही (Nitesh Rane) पायऱ्यांवर बसून घोषणाबाजी करत होते. इतक्यात पर्यावरण मंत्री आदित्य ठाकरे (Aditya Thackeray) हे विधान भवनात दाखल होण्यासाठी पायऱ्यांवरुन जात असताना नितेश राणेंनी चक्क 'म्याव-म्याव' असा मांजराचा आवाज (Cat Voice) काढत त्यांना डिवचण्याचा प्रयत्न केला. पण, शांत स्वभावाचे ओळखले जाणारे आदित्य ठाकरे नितेश राणेंच्या 'म्याव-म्याव'कडे दुर्लक्ष करत तिथून निघून गेले. (Meow-meow in the winter session ...! Nitesh Rane hits Aditya Thackeray with a cat's voice - watch video)

हे देखील पहा -

ठाकरे कुटुंब विरुद्ध राणे कुटुंब यांच वैर अख्ख्या महाराष्ट्राला माहित आहे. नारायण राणे असो, त्यांचे पुत्र निलेश राणे आणि नितेश राणे असो हे ठाकरे कुटुंबावर अनेकदा वैयक्तिक पातळीवर टीका करत असतात. याअगोदर केंद्रीय मंत्री नारायण राणे यांनीदेखील मुख्यमंत्री उद्धव ठाकरे यांच्या कानशीलात लगावण्याची भाषा केली होती, त्याबद्द्ल त्यांना माफीही मागावी लागली होती. मात्र तरीही शिवसेना, उद्धव ठाकरे आणि आदित्य ठाकरे यांना डिवचण्याचे प्रयत्न हे राणेंकडून थांबत नाही. आता हिवाळी अधिवेशनाच्या निमित्ताने पुन्हा एकदा दोघे आमने-सामने आले आहेत.

Edited By - Akshay Baisane