Palghar News : पश्चिम रेल्वेच्या सफाळे रेल्वे स्थानकात आज म्हणजे 21 जून रोजी सकाळी 9 ते 10.40 वाजेच्या दरम्यान मेगाब्लॉक असणार आहे. कपासे येथे नवीन बांधण्यात येणाऱ्या रेल्वे उड्डाणपूलावर गर्डर टाकण्याचे काम सुरू करण्यात येणार असल्याने रेल्वेतर्फे मेगा ब्लॉक घेण्यात येणार आहे.

या मेगाब्लॉकमुळे‌ अप आणि डाऊन मार्गावरील रेल्वे गाड्या रद्द करण्यात आल्या असल्याचे सफाळे रेल्वे प्रशासनाने सांगितले. पश्चिम रेल्वेच्या सफाळे स्थानकातील सकाळच्या सुमारास अप मार्गावरील 9.05 ची बोईसर-वसईरोड, 9.24 ला येणारी बोरिवली लोकल रद्द करण्यात आली आहे. (Marathi Tajya Batmya)

लोकल केळवेरोड स्थानकापर्यंत येऊन पुन्हा डहाणूरोडकडे जाणार आहे. 9.38 ची सूरत-विरार शटल पालघरपर्यंत येणार असून पालघरून पुन्हा वलसाडकडे रवाना होणार आहे. 10.24 ची डहाणू रोड ते विरार रद्द करण्यात आली आहे. (Latest Marathi News)

या मेगाब्लॉक दरम्यान विरारकडे जाणाऱ्या गाड्या रद्द करण्यात आल्या आहेत. त्याचप्रमाणे डाउन मार्गावरील 7.38 डोंबिवली-बोईसर, 9.18 आणि 10.24ची चर्चगेट -डहाणू, 11.45 ची विरार वलसाड या गाड्या रद्द करण्यात आल्या आहेत.