Mumbai Fire News : मुंबईच्या सायन कोळीवाडा परिसरात रहिवासी इमारतीला भीषण आग लागली आहे. इमारतीच्या सहाव्या माळ्यावर ही आग लागली असून अग्निशमन दलच्या गाड्या घटनास्थळी दाखल झाल्या आहेत.

सायन कोळीवाडा येथील 19 मजली इमारतीला सोमवारी दुपारी भीषण आग लागल्याची घटना घडली आहे. ओम शिवशक्ती इमारतीच्या सहाव्या मजल्यावरील फ्लॅटमध्ये ही आग (Fire) लागली. घटनेची माहिती मिळताच अग्निशमन दलाच्या चार गाड्या घटनास्थळी दाखल झाल्या आहेत. एक जंबो वॉटर टँकर आणि एक रुग्णवाहिका (Hospital) घटनास्थळी दाखल झाली. सायन (Sion) कोळीवाडा परिसरात एमए रोडवर ही इमारत आहे.

अग्निशमन अधिकार्‍याने सांगितले की, आग इलेक्ट्रिक वायरिंग, इलेक्ट्रिक इन्स्टॉलेशन, घरगुती वस्तू इत्यादींपर्यंत मर्यादित होती. निवासी इमारतीच्या सहाव्या मजल्यावर 612 फ्लॅटमध्ये ही आग लागली. ही आग नेमकी कशी लागली हे अद्याप स्पष्ट झाले नाही.