Bhivandi Fire : भिवंडीत (Bhivandi) येथे कापूर आणि अगरबत्तीच्या कंपनीसह कारखान्याला भीषण आग (Massive Fire)लागल्याची घटना समोर आली आहे. ही घटना भिवंडी तालुक्यातील सोनाळे गावाच्या गोदाम पट्यातील लक्ष्मी कंपाऊंड भागात घडली आहे. आज सकाळच्या साडे सहा वाजताच्या सुमारास कापूर आणि अगरबत्तीच्या कंपनीसह कारखान्याला भीषण आग लागली.

दरम्यान आगीच्या घटनेची माहिती मिळताच घटनास्थळी भिवंडी, कल्याण डोंबिवली, ठाणे महापालिकेच्या एकूण ५ ते ६ बंब दाखल झाले. आगीवर नियंत्रण मिळविण्याचे प्रयत्न सुरु असून आग आटोक्यात आणण्यासाठी आणखी ४ ते ५ तास लागल्याची शक्यता वर्तवण्यात आली.

या भीषण आगीच्या घटनेमुळे परिसरात धुराचे लोट पसरले आहे. या आगीत लाखोंचे नुकसान झाल्याची प्राथमिक माहिती समोर आली आहे. या भीषण आगीवर नियंत्रण मिळविण्यासाठी आणखी ४ ते ५ तास लागल्याची शक्यता अग्निशाम दलाच्या अधिकाऱ्यांनी व्यक्त केली आहे. असे असेल तर दिलासादायक बाब म्हणजे या आगीत अद्याप पर्यत कोणालाही दुखापत झाली नसल्याचे सांगण्यात आले आहे. तर ही आग नेमकी कशी लागली याचे कारणंही समजू शकलेले नाही. आग आटोक्यात आणण्यासाठी अग्निशमन दलाकडून अथक प्रयत्न सुरु आहे.

Edited By - Shivani Tichkule