ऐकलंत... 40 रुपयात साडी विकणारं हे आहे सुरतचं बॉम्बे मार्केट... आता हेच मार्केट चर्चेत आलंय. कारण स्थानिक स्वराज्य संस्थांच्या निवडणुकीत सुरतमधून दररोज 1 लाख साड्या महिला मतदारांना वाटण्यासाठी खरेदी करण्यात येत आहेत..

प्रत्येक निवडणुकीत मतदारांना आमिष देण्याची प्रथा रोखल्याचा दावा निवडणूक आयोग करतं.. मात्र ही प्रथा रोखणं निवडणूक आयोगाला काही शक्य होत नसल्याचं चित्र आहे.

सुरतमधील 50 वर्षे जुनं मार्केट असलेल्या बॉम्बे मार्केटमध्ये 1 हजार साड्यांची दुकानं आहेत.. याच दुकानातून स्थानिक स्वराज्य संस्थांच्या निवडणुकीत मतदारांना आमिष देण्यासाठी लाखो साड्या आणल्या आहेत..

पुरुष मतदारांना दारु, मटण तर महिला मतदारांना साडी आणि घरगुती वापराच्या वस्तुंचं वाटप केलं जातंय.. असाच प्रकार पिंपरी चिंचवडमध्येही आढळून आलाय...

निवडणूक निष्पक्ष व्हावी, यासाठी मतदारांना देण्यात येणारी आमिष रोखणं गरजेचं आहे... मात्र आता मतदारांना वाटण्यासाठी 40 रुपयांच्या लाखो साड्या सुरतमधून आणल्या जात असतील तर निवडणूक आयोगाने त्याचा शोध घेऊन कारवाई करायला हवी..

एवढंच नाही तर एक किलो साखर आणि दूध पिशवीसाठी 100 रुपये मोजावे लागतात. त्यामुळे फक्त साड्या वाटून मतदारांचं मत विकत घेतलं जात असेल तर आपल्या मताची किंमत 40 रुपयेच आहे का? याचा विचार मतदारांनीच करायला हवा.. आणि मतरुपी स्वाभिमान विकत घेण्याची हिंमत करणाऱ्यांना मतदारांनी घरचा रस्ता दाखवायलाच हवा.