अभिजित देशमुख

कल्याण: मुंबईत मराठी आणि गुजराती वादावरून मनसे नेते अविनाश जाधव यांनी ठाकरे गटावर हल्लाबोल केलाय. पराभव दिसत असल्याने ते असा प्रचार करत असल्याचा आरोप त्यांनी केलाय. मनसे नेते अविनाश जाधव आज भिवंडी लोकसभेचे उमेदवार कपिल पाटील यांच्या प्रचार कार्यालयाचे उद्घाटन उद्घाटनासाठी आले होते यावेळी त्यांनी पत्रकारांशी संवाद साधला.

ठाकरे गटावर आरोप करताना अविनाश जाधव म्हणाले, ही देशाची निवडणूक आहे, प्रत्येक नागरिक त्यांच्या भाषेत प्रचार करतो, या वेळेला देशाचा विचार केला पाहिजे. देशहिताच्या गोष्टी समोर आणल्या पाहिजे. उबाठा जे काही करत आहे त्यांना पराभव समोर दिसतोय, ज्यावेळेला पराभव समोर दिसतो त्यावेळेला, अशा प्रकारच्या प्रचाराला सुरुवात केली जाते.

आम्ही हिंदुत्वाची भाषा घेतली, जिथे मराठी माणसावर अन्याय होईल जिथे मराठी माणसाचा अपमान होईल तिथे मनसे मराठी माणसासोबत उभी असणार. मत पाहिजेत म्हणून मराठी आणि गुजराती याचा वाद निर्माण केलाय. याच्या आधी ज्या वेळेला मराठी माणसांना घरी मिळत नव्हते घरात नॉनव्हेज बनवायचे नाही असं सांगितलं जायचं त्या वेळेला आंदोलने झाली.

त्यावेळेला उद्धव ठाकरे कुठे होते. मराठी गुजराती वाद हा निवडणुकीसाठी आहे. मतांसाठी आहे मराठी माणूस आणि गुजराती माणूस हे दोघे होते. एवढेच हुशार आहेत त्यांना जागा दाखवल्याशिवाय राहणार नाहीत असे मनसे नेते अविनाश जाधव यांनी सांगितले.

दरम्यान श्रीकांत शिंदे आणि कपिल पाटील याचा प्रचार करताना अविनाश जाधव म्हणाले, ज्यांच्यावर मोदींचा आशीर्वाद तो पडू शकत नाही ,कल्याण आणि भिवंडी दोन्ही मतदारसंघ युतीसाठी सुपीक आहेत. दोन्ही उमेदवारांनी उत्तम काम केलं दोन्ही उमेदवारांवर मोदींचा आशीर्वाद आहे ,या देशात ज्यांच्यावर मोदी साहेबांचा आशीर्वाद आहे त्यांचा पराभव होणार नाही, दोन्ही उमेदवारांनी उत्तम काम केलं आहे.