मुंबई : देशासह जगभर कोरोनाने थैमान घातले असताना कोरोनावरती प्रभावी उपाय म्हणून भारतासह जगभर कोरोना लसीकरण मोहीम (Corona vaccination campaign) सुरू केली. आणि त्यामुळेच जगाने कोरोनावरती काही प्रमाणात मात केली. आपल्या देशात देखील लसीकरणाला चांगला प्रतिसाद मिळत आहे. पंतप्रधान नरेंद्र मोदी (PM Narendra Modi) यांच्या वाढदिवसानिमित्त केलेले विक्रमी लसीकरण तसेच या लसीकरणा मध्ये असलेला महाराष्ट्र राज्याचा वाटा मोलाचा होता.

अशातच आज पुन्हा आपल्या राज्याने लसीकरणामध्ये आपल्या राज्यांने एक मैलाचा दगड गाठला . राज्यात आतापर्यंत लसीचे 10 कोटी डोस देण्यात आले असल्याची माहिती राज्याचे आरोग्य मंत्री राजेश टोपे (Health Minister Rajesh Tope) यांनी ट्विटद्वारे दिली आहे.

टोपे म्हणाले 'महाराष्ट्राने आज 10 कोटी नागरिकांचे लसीकरण पूर्ण करण्याचा टप्पा गाठला आहे. तसेच प्रत्येक जिल्ह्यात काम करणारे सर्व अधिकारी कर्मचाऱ्यांच्या अथक परिश्रमातूनच हे यश साध्य झाले असल्याने त्या सर्वांचे अभिनंदन करतो असं ते ट्विटद्वारे म्हणाले.

Edited By - Jagdish Patil