सुनील काळे, साम टीव्ही मुंबई

राज्यात नोव्हेंबरच्या पहिल्या किंवा दुसऱ्या आठवड्यात विधानसभा निवडणुक होण्याची शक्यता आहे. आगामी विधानसभा निवडणुकीच्या पार्श्वभूमीवर महाविकास आघाडीच्या जागावाटपाच्या चर्चेला उद्यापासून (२१ ऑगस्ट ) सुरुवात होण्याची शक्यता आहे. महाविकास आघाडीच्या समन्वय समितीची उद्या पहिली बैठक होणार असल्याची माहिती मिळतेय. मिळालेल्या माहितीनुसार हॉटेल लीलामध्ये उद्या सकाळी ११ वाजता बैठक होणार आहे.

महाविकास आघाडीची उद्या महत्वाची बैठक

या बैठकीमध्ये काँग्रेस नेते नाना पटोले, बाळासाहेब थोरात, राष्ट्रवादी शरद पवारांकडून जयंत पाटील आणि अनिल देशमुख यांचा समावेश आहे. तर ठाकरे गटाकडून संजय राऊत आणि अनिल परब यांचा समावेश (Maharashtra Politics) आहे. मल्लिकार्जुन खर्गे, उद्धव ठाकरेही पहिल्या बैठकीला उपस्थित राहण्याची शक्यता वर्तवली जात आहे. आता कोणत्या पक्षाला किती जागा मिळणार, हा आकडा होणाऱ्या बैठकीत स्पष्ट होईल.

महाविकास आघाडीचा जागावाटपाचा फॉर्म्युला

दरम्यान उद्धव ठाकरे यांनी दिल्ली दौऱ्यामध्ये कॉंग्रेसच्या सर्व बड्या नेत्यांच्या भेटीगाठी घेतल्या (Vidhan Sabha Election) होत्या. त्यावेळी देखील जागावाटपासंदर्भात चर्चा झाली, अशी माहिती सुत्रांकडून मिळाली होती. परंतु महाविकास आघाडीने कोणत्या पक्षाला किती आणि कोणत्या जागा, हे अद्याप अधिकृतपणे जाहीर केलेलं नाही. मुख्यमंत्रि‍पदाच्या चेहऱ्यावरून देखील मविआमध्ये चांगलीच जुंपली होती, परंतु आता उद्या होणार बैठक अत्यंत महत्वाची ठरणार आहे. या बैठकीमधून विधानसभेसाठी महाविकास आघाडीचा जागावाटपाचा फॉर्म्युला जाहीर होण्याची शक्यता आहे.

कोणत्या पक्षाला किती जागा मिळणार?

विधानसभा निवडणुकीच्या पार्श्वभूमीवर महायुती आणि महाविकास आघाडीचा जागावाटपाचा मुद्दा चर्चेत (Mahavikas Aghadi seat sharing) आहे. महाविकास आघाडीतील जागावाटपाबाबत उद्या महत्वाची बैठक होण्याची शक्यता आहे. लोकसभा निवडणुकीत महाविकास आघाडीला चांगलं यश मिळालं होतं, तर महायुतीला अपेक्षित यश मिळालं (MVA Meeting) नव्हतं. महायुतीने जागावाटपाला उशीर झाल्यामुळे मतांचा फटका बसल्याचं सांगितलं होतं. त्या अनुषंगाने विधानसभा निवडणुकीसाठी होणाऱ्या जागावाटपाकडे सर्वांचं लक्ष लागलेलं आहे.