प्रमोद जगताप, साम टीव्ही नवी दिल्ली

विधानसभा अध्यक्ष राहुल नार्वेकर यांनी शिवसेना आणि राष्ट्रवादी आमदार अपात्रतेप्रकरणी दिलेल्या निकालाविरोधात सुप्रीम कोर्टात याचिका दाखल केली होती. त्या याचिकेवर आज सुनावणी पार पडणार (Maharashtra Politics) आहे. दोन्ही सुनावण्या आज सर्वोच्च न्यायालयामध्ये होणार आहेत. राहुल नार्वेकर यांनी शिंदे गट आणि ठाकरे गट यांपैकी शिंदे गटाला बहुमत मिळाल्याने खरी शिवसेना मुख्यमंत्री एकनाथ शिंदे यांची असल्याचा निकाल दिला होता.

शिवसेना आणि राष्ट्रवादी आमदार अपात्रता प्रकरण

एकनाथ शिंदे यांच्यासोबत गेलेल्या आमदारांना अपात्र केलं (Shiv Sena And NCP MLA Disqualification Case) नाही, म्हणून ठाकरे गटाच्या वतीने सुनील प्रभू यांनी याचिका दाखल केली होती. तर अजित पवार यांच्यासोबत गेलेल्या आमदारांना अपात्र केलं नाही, म्हणून शरद पवार यांच्या पक्षाच्या जयंत पाटील यांनी सुप्रीम कोर्टात याचिका दाखल केली होती. शिवसेना तसेच राष्ट्रवादी काँग्रेस पक्षातमधील फुटीनंतर आमदार अपात्रतेच्या मुद्दाचा निकाल अजून लागलेला नाही.

सुप्रीम कार्टात सुनावणी

शिवसेना आमदार अपात्रता प्रकरणी मागच्या सुनावणीवेळी कोर्टाने विधानसभा अध्यक्ष राहुल नार्वेकर (Assembly Speaker Rahul Narwekar) यांच्याकडून ओरिजनल कागदपत्र मागितली होती. ही सुनावणी सुप्रीम कोर्टात नाही, तर मुंबई उच्च न्यायालयात व्हावी अशी मागणी शिंदेंच्या शिवसेनेच्या वतीने भरत गोगावले यांनी सुप्रीम कोर्टात केली आहे.विधानसभा निवडणुका तोंडावर आल्याने न्यायालय काही महत्वाचे निर्देश देत का? हे पाहणं महत्वाचं ठरणार आहे.

आमदार अपात्रतेचा निर्णय बदलणार का?

पक्ष सोडून जाणाऱ्या आमदारांबद्दल ठाकरे गट आणि शरद पवार गटाने सुप्रीम कोर्टात याचिका दाखल केलेली होती. हा निकाल विधानसभा अध्यक्ष राहुल नार्वेकर यांच्याकडे कोर्टाने सोपवला होता. आज या प्रकरणी सुनावणी (Supreme Court) पार पडणार आहे, त्यामुळे सुप्रीम कोर्ट काय निर्णय देतं? आमदार अपात्रतेचा निर्णय बदलणार का? याकडे संपूर्ण राज्याचं लक्ष लागून आहे. विधानसभा निवडणूक अवघ्या दोन महिन्यांवर येवून ठेपलेली आहे, त्यामुळे याप्रकरणी लवकर निकाल लागण्याची शक्यता वर्तविली जात आहे.