Shirur News:

आगामी लोकसभा निवडणुकांचे सर्वच राजकीय पक्षांना वेध लागले आहेत. लोकसभा निवडणुका डोळ्यासमोर ठेऊन राजकीय पक्षांकडून जोरदार मोर्चेबांधणी सुरू असल्याचे दिसत आहे. याच पार्श्वभूमीवर मुख्यमंत्री एकनाथ शिंदे यांनी आगामी लोकसभा निवडणुकीच्या पार्श्वभूमीवर शिवसंकल्प यात्रा सुरू केली आहे. आज (शनिवार, ६ जानेवारी) शिरुरमधून या यात्रेला सुरुवात झाली. यावेळी कार्यक्रमात बोलताना शिरुरचे माजी खासदार शिवाजीराव आढळराव पाटील यांनी खासदार अमोल कोल्हेंवर निशाणा साधला.

काय म्हणाले आढळराव पाटील?

"राज्यभरातील २२ मतदारसंघांमध्ये ही शिवसंकल्प सभा होणार आहे. ⁠शिरुर लोकसभा मतदार संघाचा विकास करायचा. हे माझे मिशन आहे.. असे आढळराव पाटील (Shivajirao Adhalarao Patil) म्हणाले. तसेच निवडणुका जवळ आल्याने काहींना शेतकऱ्यांचा कळवळा आला आहे," असा टोलाही त्यांनी अमोल कोल्हे यांना लगावला.

"संभाजी महाराजांच्या वढु - तुळापुर येथील स्मारकासाठी मुख्यमंत्र्यांनी ४०० कोटी मंजुर केले. ⁠पुणे - नाशिक रेल्वेसाठी मी २० वर्षे प्रयत्न करतोय. पण दुर्देवाने मागील २-३ वर्षात प्रगती नाही. अजित पवार यांनी लक्ष घातले आहे. तुम्ही ही घाला.. असे आवाहनही त्यांनी यावेळी केले. तसेच मागील पाच वर्षात नॅशनल हायवेचा एक ही रुपया आलेला नाही," असा टोला खासदार अमोल कोल्हे यांना लगावला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

खासदारकीसाठी आक्रोश करणार नाही..

यावेळी बोलताना आढळराव पाटील यांनी खासदार अमोल कोल्हेंवर (Amol Kolhe) ना न घेता टीका केली. "सगळ्यांनी शिरुर लोकसभेसाठी क्लेम केलेला आहे. हा मतदार संध महत्वाचा आहे. मात्र खासदारकीसाठी मी आक्रोश करणार नाही. तुमचा शब्द अंतिम असेल. तुम्ही घ्याल तो निर्णय आम्ही मान्य करु..." असे शिवाजीराव आढळराव पाटील म्हणाले. (Latest Marathi News)