• सचिन अहिर यांची विधान परिषदेच्या उपसभापतीपदी बिनविरोध निवड झाली

• शिंदेसेनेत प्रवेशानंतर त्यांना मोठी राजकीय संधी मिळाली

• विरोधकांनी ज. मो. अभ्यंकर यांची उमेदवारी मागे घेतली

• निवडीनंतर सचिन अहिर यांच्यावर शुभेच्छांचा वर्षाव होत आहे

गणेश कवडे, मुंबई

उद्धव ठाकरेंची साथ सोडत शिंदेसेनेत प्रवेश करणाऱ्या सचिन अहिर यांना लॉटरी लागली. सचिन अहिर यांची विधान परिषदेच्या उपसभापती निवड झाली आहे. सचिन अहिर यांची विधान परिषदेच्या उपसभापती पदी एकमताने बिनविरोध निवड झाली. महाराष्ट्र विधानपरिषदेचे उपसभापती होताच सचिन अहिर यांच्यावर शुभेच्छांचा वर्षाव होत आहे. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी सभागृहात सचिन अहिर यांचे कौतुक केले.

सचिन अहिर यांची विधानपरिषद उपसभापती पदी प्रस्ताव निवड प्रक्रियेद्वारे निवड करण्यात आली. उद्धव ठाकरे यांचे शिवसेनेचे अंबादास दानवे यांनी ज. मो अभ्यंकर यांच्या उपसभापती पदासाठी प्रस्ताव मांडला होता. विधान परिषदेच्या उपसभापती पदासाठी अंबादास दानवे यांनी मांडलेल्या.ज. मो अभ्यंकर यांच्या नावाच्या प्रस्तावासमोर सचिन अहिर यांच्या नावाचा प्रस्ताव एकमताने मंजूर झाला.

सचिन अहिर यांची उपसभापती पदी निवड करण्यासाठी महायुतीमधून तीन प्रस्ताव दाखल करण्यात आले होते. भारतीय जनता पक्षातर्फे प्रवीण दरेकर यांनी प्रस्ताव मांडला राष्ट्रवादी काँग्रेस तर्फे संजय खोडके यांनी हा प्रस्ताव मांडला तर एकनाथ शिंदे यांच्या शिवसेनेतर्फे मनीषा कायंदे यांनी प्रस्ताव मांडला. उद्धव ठाकरे यांच्या शिवसेनेतर्फे ज. मो अभ्यंकर यांची उपसभापती पदी निवड करण्यात आली म्हणून प्रस्ताव मांडला होता.

उपसभापती पदाची निवडणूक बिनविरोध करण्याची प्रथा आहे असा मुद्दा संसदीय कामकाज मंत्री चंद्रकांत पाटील यांनी मांडला. त्यामुळे अभ्यंकर यांचा अर्ज मागे घ्यावा अशी विनंती केली. उद्धव ठाकरे यांच्या शिवसेनेनं संसदीय कामकाज मंत्री चंद्रकांत पाटील यांनी केलेली विनंती मान्य करत ज. मो अभ्यंकर यांचा उमेदवारी प्रस्ताव मागे घेतला. अनिल परब यांनी सभागृहाची गरीमा राखण्यासाठी ज. मो अभ्यंकर यांचा प्रस्ताव मागे घेण्यात आला असल्याचं जाहीर केलं. त्यामुळे सचिन अहिर हे बिनविरोध एकमताने विधान परिषदेच्या उपसभापतीपदी निवडून आले.