सहकारी गृहनिर्माण सोसायट्यांच्या निवडणुकीची रणधुमाळी आता ऑनलाईन रंगणार आहे... कारण सहकार खात्यानं कमी सदस्यसंख्या असलेल्या गृहनिर्माण सोसायट्यांच्या निवडणूकांसाठी खास महासहकार पोर्टलची मदत घेण्याचा निर्णय घेतलाय..मतदारयाद्या तयार करण्यापासून ते मतदानापर्यंत सगळं काही ऑनलाईन पद्धतीने होणार आहे...मात्र सरकारने नेमका काय निर्णय घेतलाय? पाहूयात..

महासहकार पोर्टलच्या माध्यमातून निवडणुका

250पेक्षा कमी सदस्य संख्येच्या सोसायट्यांना लागू

येत्या 2 ते 3 महिन्यांमध्ये प्रक्रिया पूर्ण होईल

प्रक्रियेनंतर ऑनलाईन पद्धतीने निवडणुका

सरकारने महासहकार पोर्टलच्या माध्यमातून खर्चावर नियंत्रण आणण्यासाठी आणि गुप्त मतदानाच्या माध्यमातून पारदर्शकपणा आणण्यासाठी हा निर्णय घेतल्याचं सरकारनं स्पष्ट केलंय.. मात्र हा निर्णय कधीपासून अंमलात आणला जाणार? त्याची माहिती सहकार उपनिबंधकांनी दिलीय..

राज्यात 29 हजार 429 सहकारी गृहनिर्माण संस्थांच्या निवडणुका प्रलंबित आहेत.. कधी पावसामुळे तर कधी इतर कारणांमुळे निवडणूका पुढे ढकलल्या जातात.. मात्र आता ऑनलाईन निवडणुकांमुळे प्रलंबित निवडणूकांचा मुद्दाच निकाली निघण्याची शक्यता आहे.