Lonavala Crime News : लोणावळा (lonavala) शहरात गेल्या दोन दिवसांत दोन वेगवेगळ्या ठिकाणी बेकायदेशीररित्या देशी आणि विदेशी दारूची विक्री करणाऱ्या दोघांवर लोणावळा शहर पोलिसांनी कारवाई केली आहे. पाेलिसांनी (lonavala city police) दारुसह एक लाख 21 हजार रुपयांचा मुद्देमाल जप्त केला आहे. (Maharashtra News)

या प्रकरणी लोणावळा शहर पोलिसांनी भरत लक्ष्मण कदम व गणेश पांडुरंग साळवे यांच्यावर गुन्हा दाखल केला आहे. पाेलिसांनी दिलेल्या माहितीनूसार दाेघांकडून दारुसह एक लाख 21 हजार रुपयांचा मुद्देमाल जप्त केला आहे.

लोणावळा शहर पोलिसांनी दिलेल्या माहितीनुसार लोणावळ्यातील संजीवनी हॉस्पिटल रोडवर यातील भरत कदम हा त्याच्या कारमधून बेकायदा विक्रीसाठी 24 बियरच्या बाटल्या, देशी दारूच्या 48 बाटल्या, विदेशी दारुच्या 10 बाटल्या घेऊन चालला हाेता. त्याच्याकडे चाैकशी केली असता त्याला समर्पक उत्तर देता आले नाही. त्याला पाेलिसांच्या पथकाने ताब्यात घेतले.

दुसऱ्या घटनेत गणेश साळवे हा आपल्या काळ्या रंगाची मोटार सायकलवरून विदेशी दारुच्या 21 बाटल्या, देशी दारूच्या 47 बाटल्या, अन्य एका कंपनाच्या दारूच्या 21 बाटल्या बेकायदेशीर विक्रीसाठी घेऊन जात असताना पोलिसांना आढळला. त्याला देखील पाेलिसांनी ताब्यात घेतले आहे. पुढील तपास लोणावळा पोलीस करीत आहे.

Edited By : Siddharth Latkar