सिद्धेश म्हात्रे, नवी मुंबई

Navi Mumbai News: नवी मुंबईतील कोपरखैरणे येथील बोनकोडे गावात एक चार मजली इमारत कोसळली आहे. इमारत फार जुनी होती. इमारत कोसळण्याआधीच इमारत काहीशी हलत असल्याचे निदर्शनास आल्याने इमारतीमधील सर्व रहिवाशांना इमारती बाहेर काढण्यात आले. इमारतीमध्ये एकूण ४० कुटुंब राहत असल्याची माहिती समोर येत असून सर्वजण सुखरूप आहेत. या घटनेत इमारतीची एक बाजू पूर्णतः कोसळली आहे. अग्निशमन दलाचे जवान घटनास्थळी दाखल झाले असून कोणी नागरिक अडकले आहेत का याची पाहणी करत आहेत.(Navi Mumbai Latets News)