अभिजीत देशमुख, साम टीव्ही प्रतिनिधी

कल्याण : पुण्यातील कल्याणीनगरमधील अपघाानंतर कल्याणमध्येही असाच प्रकार समोर आला आहे. कल्याणमध्ये एका राजकीय पक्षाच्या पदाधिकाऱ्याने अल्पवयीन मुलाने कार धडकवल्याचा प्रकार केला आहे. कल्याणमधील अटाळी जवळ ही घटना घडली आहे. शुक्रवारी रात्री ही घटना घडल्याची माहिती समोर आली आहे. या प्रकरणाची सोशल मीडियावर चर्चा सुरु झाल्यानंतर पोलीस अॅक्शन मोडमध्ये आले आहेत.

कल्याणमध्ये नेमकं काय घडलं?

कल्याणमधील अटाळी जवळ एका राजकीय पक्षाच्या पदाधिकाऱ्याच्या अल्वपयीन मुलाने पुण्यासारखा कारनामा केला आहे. कल्याणमधील या अल्पवयीन मुलाने एका कारला जोरदार धडक दिली. कारला धडक दिल्यानंतर अल्पवयीन मुलगा आणि त्याच्या त्याच्या साथीदाराने कारचालकाला मारहाण केली. शुक्रवारी रात्री ही घटना घडल्याची माहिती समोर येत आहे.

अल्पवयीन मुलाने कारचालकाला माराहण केल्यानंतरही हे प्रकरण पोलिसांत पोहोचलं नसल्याचे उघड झालं आहे. मात्र, या घटनेची सोशल मीडियावर जोरदार चर्चा होत आहे. या प्रकरणाची पोलिसांत तक्रार नोंदवण्यात आलेली नाही. त्यामुळे पोलिसांनीही या प्रकरणाची तक्रार नोंदवली नसल्याचे पोलिसांनी सांगितलं आहे.

परंतु या प्रकरणाची चर्चा सोशल मीडियावर सुरु झाल्यानंतर कारचालक अल्पवयीन मुलासह त्याच्या वडिलांविरोधात खडकपाडा पोलिसांनी कारवाई सुरु केली आहे.

नेमकं काय घडलं?

राजाराम चौधरी असे या अल्पवयीन मुलाच्या वडिलांचे नाव आहे. धडक दिल्यानंतर अल्पवयीन मुलगा आणि त्याच्या साथीदाराने कारचालकाशी वाद घालण्यास सुरुवात केली. त्यानंतर अल्पवयीन मुलाने त्याच्या काही मित्रांना बोलावून कार चालकाला मारहाण करत कारची तोडफोड केली. या घटनेनंतर कारचालकाने पोलिसांना मदतीसाठी फोन केला. या प्रकरणी पोलिसांनी अल्पवयीन मुलाचे वडील आणि अल्पवयीन मुलाच्या विरोधात गुन्हा नोंदवला आहे.