कल्याण तळोजा मेट्रो रेल्वेच्या जमीन सर्वेक्षणास शेतकऱ्यांचा विरोध

- अभिजीत देशमुख

कल्याण तळोजा मेट्रो रेल्वेच्या कामासाठी जागेचे सर्वेक्षण नंतर करा पहिल्यांदा माेबदला द्या अशी भूमिका स्थानिक शेतकऱ्यांनी घेत जागेच्या सर्वेक्षणास विरोध. हा प्रकार डोंबिवली गावडे सोनार पाडा उंबरली रोड येथील माणगाव परिसरात घडला. दरम्यान अधिकारी व कर्मचा-यांनी पाेलिस बंदाेबस्तात कामास प्रारंभ केला.

डोंबिवली जवळील उंबर्ली रोड मानगाव परिसरातील जागा राज्य सरकारने महसूल खात्यामार्फत कल्याण तळोजा मेट्रो मार्गाच्या प्रकल्पाकरीता वर्ग केली आहे. प्रकल्पासाठी वर्ग करण्यात आलेली जागा ही गायरान आहे. या गायरान जागेवर अतिक्रमणे आणि बेकायदा बांधकामे आहेत.

आज (शुक्रवार) सकाळी एमएमआरडीचे पथक तहसीलदारांचे पथक मोठ्या पोलिस बंदोबस्तात या जागेवर दाखल झाले. त्यांनी सर्वेक्षण तसेच बेकायदा बांधकामांवर कारवाई सुरू केली . या कारवाईला स्थानिक शेतकऱ्यांनी कडाडून विरोध केला.

स्थानिक शेतकरी दशरथ म्हात्रे यांनी आमची शेतजमीन वडिलोपार्जित आहे. ही जागा प्रकल्पाच्या बाधित गायरान जमीनीच्या मध्ये आहे. त्याठिकाणी एमएमारडीएकडून जबरदस्तीने सर्वेक्षण केले जात असल्याचे म्हटले.

आमच्या शेतजागेचा मोबदला आम्हाला द्यावा. मगच सर्वेक्षणाचे काम करावे. या बाधित शेतक-यांच्या बाजूने शेतकऱ्यांचे नेते राजाराम पाटील यांनी देखील या सर्वेक्षणास विरोध केला. या ठिकाणी असलेल्या पाच बेकायदा बांधकामांच्या विरोधात कारवाई करण्यात आली आहे. शेतकऱ्यांच्या सह्याचे एक निवेदन यावेळी तहसीलदारांना देण्यात आले. शेतकऱ्यांनी सर्वेक्षणाला विरोध केला असला तरी सर्वेक्षण करणा-या अधिकाऱ्यांनी पोलिस बंदोबस्तात सर्वेक्षण सुरु ठेवले आहे.

Edited By : Siddharth Latkar