अभिजीत देशमुख, कल्याण

Kalyan News: कल्याणमध्ये (Kalyan) अंमली पदार्थाची (Narcotics) विक्री मोठ्याप्रमाणात वाढली आहे. याविरोधात पोलिसांनी कारवाई करण्यास सुरुवात केली आहे. कल्याणच्या आंबिवली येथील इराणी वस्तीमधून याप्रकरणी इराणी ड्रग लेडीला पोलिसांनी अटक केली आहे. कल्याणच्या खडकपाडा पोलिसांनी (Khadakpada Police) ही कारवाई केली आहे. सबा सैय्यद असे या महीलेचे नाव असून ती कल्याणच्या आंबिवली, मोहने परिसरात एम डी ड्रग्जसह चरस विक्री करते.

कल्याणजवळ आंबिवली परिसरातील इराणी वस्तीत एक महिला एम डी ड्रग्जसह चरस विक्री करत असल्याची माहिती कल्याण खडकपाडा पोलिसांना मिळाली होती. या माहितीच्या आधारे मंगळवारी कल्याण खडकपाडा पोलिसांच्या पथकाने रात्रीच्या सुमारास आंबिवली परिसरात इराणी वस्तीत छापा टाकून एका महिलेला ताब्यात घेतले. या महिलेचे चौकशी केली असता तिच्याकडे एमडी ड्रग्ससह चरसचा साठा आढळून आला .

सबा सैय्यद असे या महिलेचे नाव असून ती या इराणी वस्तीत राहते . पोलिसांनी तिच्याकडून एम डी ड्रग्जसह चरस हस्तगत केले. सबा कल्याणच्या आंबिवली, मोहने परिसरात एम डी ड्रग्जसह चरस विक्री करत असल्याची माहिती पोलीस तपासात समोर आली आहे. तिने एमडी ड्रग्स आणि चरस कुठून आणले आणि ती कोणाला याची विक्री करत होती या सर्व बाजूने पोलिस तपास करत आहेत.