- अभिजित देशमुख

कल्याण डोंबिवली महापालिकेच्या परिवहन विभागातील कामगारांना जुनी पेन्शन योजना लागू करण्यात यावी या मागणीकरीता महानगरपालिका कामगार कर्मचारी संघटनेच्या वतीने आजपासून लाक्षणिक उपोषण सुरु करण्यात आले आहे.

साम टीव्हीशी बाेलताना संघटनेचे पदाधिकरी महेश पाटील म्हणाले जुनी पेन्शन योजना लागू करण्याची मागणी कामगारांची होती. या प्रकरणी उच्च न्यायालयात याचिकाही दाखल करण्यात आली. न्यायालयाने जुनी पेन्शन योजना लागू करा असे आदेश दिले आहेत.

या प्रकरणी मुख्यमंत्री एकनाथ शिंदे यांनी महापालिका प्रशासनाच्या स्तरावर निर्णय घ्यावा असे सांगितले आहे. तरी देखील महापालिका निर्णय घेण्याबाबत चालढकल करीत आहे. आज आम्ही लाक्षणिक उपोषण करीत आहोत आगामी काळात आंदोलन तीव्र करु असा इशारा पाटील यांनी प्रशासनाला दिला आहे.

Edited By : Siddharth Latkar