Thane News : मुंबई, ठाणे आणि आजूबाजूच्या परिसरात अनेक विकासकामे सुरु आहे. या विकासाकामांमुळे रस्त्यांवरुन प्रवास करणाऱ्यांना अनेक अडचणींचा सामना करावा लागत आहे. ठाण्यातील एका घटनेत तर एका कारचालकाचा जीव थोडक्यात बचावला आहे.

ठाणे मेट्रोचा पूल उभारणीची काम सुरु आहे. तीन हात नाका परिसरात या कामादरम्यान एका कारवर लोखंडी रॉड पडला. हा रॉड ड्रायव्हरच्या बाजूला वरुन पडला आणि थेड कारमध्ये घुसला आहे. सुदैवाने कार ड्रायव्हरचा जीव थोडक्यात वाचला आहे. (Thane News)

नागरिकांची सुरक्षेचा प्रश्न

सोमवारी सकाळी गर्दीच्या वेळी ही घटना घडली. घटना घडली त्यावेळी गाडीत ड्रायव्हरसह तीन प्रवासी प्रवास करत होते. घटनेत कुणीही जखमी झालेले नाही. मात्र विकासकामांदरम्यान होणाऱ्या या घटनांमुळे नागरिकाच्या सुरक्षेचा प्रश्न ऐरणीवर आला आहे.

मेट्रो अधिकाऱ्यांच्या कर्मचाऱ्यांना सूचना

घटनेची माहिती मिळताच नौपाडा पोलीस ठाण्याचे कर्मचारी घटनास्थळी दाखल झाले आणि कार रस्त्यातून बाजूला घेतली. मेट्रो अधिकाऱ्यांनीही कर्मचाऱ्यांना सुरक्षेच्या दृष्टीने योग्य त्या उपाययोजनांचा पालन करण्याच्या सूचना दिल्या आहेत .