मुंबई - माजी पोलीस आयुक्त परमबीर सिंह Parambir Singh यांच्या अडचणीत वाढ झाली आहे. परमबीर सिंह यांच्यावर गोरेगाव पोलीस Goregaon Police ठाण्यात आणखी एक वसूली प्रकरणी गुन्हा दाखल करण्यात आला आहे अशी माहिती सूत्रांनी दिली आहे. सिंह यांच्यासोबत सचिन वाजे Sachin Vaze , सुमित सिंह उर्फ चिंटू, अल्पेश पटेल, विनय सिंह उर्फ बबलू आणि रियाज भाटी यांची नावे देखील या गुन्ह्यात समोर आली आहेत.

हे देखील पहा -

दरम्यान, हा गुन्हा बिमल अग्रवाल या व्यापार्याने नोंदवला आहे. या व्यापार्याने आपल्या तक्रारीत जानेवारी-फेब्रुवारी २०२० ते मार्च २०२१ मध्ये आरोपींनी त्यांच्याकडून तब्ब्ल ९ लाख रुपय वसूल केले होते अशी माहिती समोर आली आहे.

गोरेगाव मध्ये BOHO रेस्टोरेंट बार अ‍ॅन्ड अंधेरी ओशिवारा मध्ये BCB रेस्टोरेंट अ‍ॅन्ड बार चालवण्यासाठी सचिन वाजे आणि इतर आरोपींनी ९ लाख रुपये, सँमसंग कंपीचे मोबाइल हप्ता म्हणून घेतले असेअग्रवाल यांनी आपल्या तक्रारीत नमूद केले आहे. पोलिसांनी याप्रकरणी IPC कलम ३८४, ३८५ आणि ३४ भा.द.वी कलमांतर्गत गुन्हा नोंदवला आहे.

Edited By - Shivani Tichkule