कल्याण : हिंदुस्थानात हिंदूंची मंदिरे तोडली जात असतील तर ते आम्ही कदापी सहन करणार नाही असे विधान आमदार रमेश पाटील यांनी कल्याण मध्ये केले आहे. कल्याण डोंबिवली महानगर पालिका क्षेत्रातील मच्छीविक्रेत्यांना केडीएमसीकडून परवाना वितरण करण्यास सुरुवात केली आहे. त्यामुळे आज मच्छीविक्रेता परवाना वितरण कार्यक्रम भाजपच्या वतीने कल्याणतील दामोदर हॉल मध्ये आयोजित करण्यात आला होता.

हे देखील पहा :

या कार्यक्रमासाठी मच्छीमार आणि कोळी लोकांनी गर्दी गेली होती. या कार्यक्रमात विधानपरिषदेचे आमदार व कोळी महासंघाचे अध्यक्ष रमेश पाटील , आमदार रवींद्र चव्हाण उपस्थित होते.यावेळी दोन्ही नेत्यांनी आम्ही मच्छी विक्रेत्यांच्या पाठीशी उभी आहोत असे सांगितले.

तर, यावेळी आमदार रमेश पाटील यांनी कल्याण मोहने येथिल मंदिरावर केडीएमसीने कारवाई केली यामुळे जो वाद झाला त्याबाबत बोलताना सांगितले की मंदिरावर तोडक कारवाई करण्याऱ्या अधिकाऱ्यांना शिक्षा झाली पाहिजे अशी आमची मागणी असून याबाबत पालिका आयुक्तांना भेटणार असल्याचे सांगितले. जर हिंदुस्थानात हिंदूंची मंदिरे तोडली जात असतील तर ते आम्ही कदापी सहन करणार नाही असे आमदार पाटील यांनी म्हटले आहे.

Edited By : Krushnarav Sathe