Virar : ड्रममध्ये आढळला अज्ञात व्यक्तीचा मृतदेह; दुर्गंधीमुळे घटना उघडकीस!

वसई /विरार : विरारच्या मांडवी पोलीस ठाणे हद्दीतील उसगाव येथे, रस्त्याच्या कडेला एका ३० ते ३५ वयोगटातील अज्ञात व्यक्तीचा हत्या केलेला मृतदेह पाण्याच्या ड्रम मध्ये फेकून दिलेल्या अवस्थेत आढळल्याने एकच खळबळ उडाली आहे. रस्त्यावरून प्रवास करणाऱ्या नागरिकांना दुर्गंधी येत असल्याने ही घटना उघडकीस आली व त्यांनी याबतची माहिती पोलिसांना दिली.

हे देखील पहा :

पोलिसांनी घटनास्थळी पोहचत तपासणी केली असता सदर मृतदेह कपड्याने गुंडाळलेल्या अवस्थेत ड्रम मध्ये टाकून रस्त्याकडेला फेकल्याचे दिसून आले. सदर व्यक्तीची गळा दाबून हत्या केल्याचा संशय व्यक्त होत असून पुरावा नष्ट करण्याचा हेतूने रात्रीच्या अंधारात रस्त्याकडेला फेकला.

पोलिसांनी मृतदेह ताब्यात घेत पुढील तपासासाठी पाठवून दिला आहे. सदर मृतदेहाची अद्याप ओळख पटली नसल्याने विरार पोलीस ठाण्यात अज्ञात व्यक्तीविरोधात हत्येचा गुन्हा दाखल केला असून अधिक तपास केला जात आहे.

Edited By : Krushnarav Sathe