पुण्यात आज जोरदार पावसाळा सुरुवात झाली आहे. यातच अवघ्या काही तासांच्या पावसाने पुण्यात सर्वत्र दाणादान उडवली आहे. आज पुन्यात जवळपास चार ते साडेचार तास पाऊस झाल्याने पुण्यातील रस्त्यांना अक्षरशः नद्यांचं स्वरूप आलं होतं. यातच आता पुण्याचे पालकमंत्री अजित पवार यांनी ट्वीट करत नागरिकांना शक्यतो घराच्या बाहेर पडू नये आणि स्वतःची काळजी घेण्याचे आवाहन केले आहे.

अजित पवार ट्वीट करत म्हणाला आहेत की, ''पुणे शहर आणि परिसरात आज सायंकाळी मान्सूनपूर्व पावसानं जोरदार हजेरी लावली आहे. पुणे शहरातील शिवाजीनगर, पाषाण भागात सर्वाधिक पावसाची नोंद झाली आहे. पुणे महानगरपालिकेचे आयुक्त आणि पुणे जिल्हाधिकाऱ्यांशी मी दूरध्वनीवरुन या विषयीची सविस्तर माहिती घेतली आहे.''

ते म्हणाले, ''कमी वेळेत जास्त पाऊस पडल्यामुळे काही ठिकाणी पाणी साचलं आहे, त्याचा जनजीवनावर परिणाम झाला आहे. तरी प्रशासनाच्या वतीनं तातडीनं उपाययोजना करण्याच्या तसंच पावसात अडकलेल्या नागरिकांना मदत करण्याच्या सूचना संबंधितांना दिल्या आहेत. या काळात नागरिकांनी शक्यतो घराच्या बाहेर पडू नये, अशा सूचना प्रशासनानं दिल्या आहेत.''

अजित पवार ट्वीटमध्ये पुढे म्हणाले की, ''नागरिकांनी काळजी घ्यावी. त्याचप्रमाणे येत्या पाच दिवसांत राज्यात अनेक ठिकाणी मान्सूनपूर्व पाऊस जोरदार हजेरी लावणार असल्याचा इशारा हवामान खात्यानं दिला आहे. त्या अनुषंगानं राज्यातील आपत्ती व्यवस्थापन कक्षाला सतर्क राहण्याच्या सूचना मी दिल्या आहेत.''