संजय गडदे

Mumbai News in Marathi : मुंबईच्या विलेपार्ले पूर्वेकडील परिसरात एक धक्कादायक घटना घडली आहे. सोमवारी होळीच्या दिवशी कुटुंबीयांसाठी रेडिमेड पुरणपोळी घेऊन येतो असे सांगून घराबाहेर पडलेला 40 वर्षीय पुन्हा घरी परतलाच नाही. (Latest Marathi News)

रस्त्यावर एकमेकांवर फुगे फेकणाऱ्या तरुणांच्या हुललडबाजीपणामुळे त्या तरुणाच्या डोक्याला पाण्याने भरलेला फुगा लागल्यामुळे तो तरुण जागीच कोसळला आणि त्यात त्याचा जीव गेल्याची दुःखद घटना घडली आहे. दिलीप धावडे अस त्या मृत तरुणाचे नाव आहे. घडलेला प्रकार समजल्यावर तरुणाच्या कुटुंबीयांना मोठा धक्का बसला.

मुंबईच्या (Mumbai) विलेपार्ले पूर्वेकडील शिवाजीनगर भागात सिद्धिविनायक सोसायटीमध्ये दिलीप धावडे आपली पत्नी आणि दोन मुलांसोबत राहत होते. सोमवारी रात्री साडेदहा वाजण्याच्या सुमारास आपल्या कुटुंबीयांसाठी दुकानातून रेडिमेड पुरणपोळी घेऊन येत ही घटना घडली आहे.

रस्त्यावरील दोन गट पाण्याने भरलेल्या पिशव्यांचे फुगे एकमेकावर फेकत असताना रस्त्यावरील तरुणांनी फेकलेला फुगा दिलीप धावडे यांच्या डोक्याला लागतात ते जमिनीवर यातच ते बेशुद्ध झाले.

शुद्धीवर आणण्याचा प्रयत्न केला मात्र ते उठले नाही म्हणून त्यांना नागरिकांनी विलेपार्ले पश्चिमेकडील उपर रुग्णालयात उपचारासाठी दाखल केले मात्र डॉक्टरांनी त्यांना मृत घोषित केले. प्रकरणी विलेपार्ले पोलिसांनी ADR दाखल केला असून घटनेचा तपास सुरू केला आहे. दिलीप धावडे हा तरूण एका शेअर ट्रेडिंग फर्ममध्ये काम करतो. मात्र त्यांच्या निधनामुळे त्यांची पत्नी दर्शिका आणि 12 वर्षीय मुलगी स्वरा आणि 7 वर्षीय मुलगा गौरेश यांचे छत्र हरपले आहे.

Edited By - Shivani Tichkule