Satara News: झुकेगा नहीं साला ! डायलॉगबाजीने तरुणाईच्या गळ्यातील ताईत बनलेल्या उदयनराजेंच्या भूमिकेकडे लागलं लक्ष

Shivendraraje Bhosale: धुळवडीच्या दिवशी घडलेल्या घटनेवर आमदार शिवेंद्रसिंहराजे भाेसले यांनी उपराेधक टीका केली.
Udayanraje Bhosale, Shivendraraje Bhosale
Udayanraje Bhosale, Shivendraraje Bhosale saam tv

Satara : सातारा शहरात पोवई नाक्यावर एक वेगळ्याच वादाला तोंड फुटले आहे. राज्य उत्पादन शुल्क मंत्री शंभूराज देसाई यांच्या घराशेजारी असणाऱ्या एका इमारतीवर खासदार उदयनराजे भाेसले (Udayanraje Bhosale) समर्थक खासदार उदयनराजे यांचे चित्र रेखाटण्यासाठी प्रयत्न करतायत त्याला मंत्री शंभूराज देसाई (Shambhuraj Desai) हे पोलिसांमार्फत विरोध केला.

त्यामुळे पोवई नाक्यावर तणाव पूर्ण शांतता निर्माण झाली हाेती. या भागात पोलिस बंदोबस्त देखील ठेवण्यात आला हाेता. मात्र खासदार उदयनराजे भोसले यांचे समर्थक हे खासदार उदयनराजे यांचे या भिंतीवर चित्र काढण्यासाठी आक्रमक आहेत. गेल्या दोन दिवसांपासून हा वाद पेटला हाेता.

Udayanraje Bhosale, Shivendraraje Bhosale
Satara : लग्न मालक राहिला बाजूला अन, वाढप्यांचीच पळापळ ! शिवेंद्रराजेंचा उदयनराजेंना टाेला

मंत्री देसाईंचा इशारा

मंत्री शंभूराज देसाई यांनी मात्र असा कोणताही वाद नसल्याचे माध्यमांशी बोलताना सांगितले आहे. मात्र कोणतही विना परवाना कृत्य सहन केलं जाणार नाही उदयनराजेंच्या चित्रावर शंभुराज देसाईं यांनी इशारा दिला. वेळ प्रसंगी कायद्याचा वापर करावा लागला तरी चालेल असा इशाराच शंभुराज देसाई यांनी दिला.

सकारात्मक चर्चा

या प्रकरणावर खासदार उदयनराजे भोसले यांच्या कार्यकर्त्यांनी उत्पादन शुल्क मंत्री शंभूराज देसाई यांची भेट घेतली. परंतु केवळ 2 मिनटात ही बैठक गुंडाळून शंभूराज देसाई बाहेर पडले. अखेर कार्यकर्त्यांना बैठकीबाबत विचारले असता सकारात्मक चर्चा झाल्याचे सांगण्यात आले. त्याबाबत सुनील काटकर (उदयनराजे समर्थक) यांनी दुजाेरा दिला.

Udayanraje Bhosale, Shivendraraje Bhosale
Solapur Crime : पती कामानिमित्त परदेशी... महिला दुसऱ्याच्याचं प्रेमात, प्रियकराच्या जाचाला कंटाळून विवाहितेने उचललं टोकाचं पाऊल...

शिवेंद्रराजेंची टाेलेबाजी

या संपूर्ण प्रकरणावर आमदार शिवेंद्रराजे यांनी जोरदार फटके बाजी करत खासदार उदयनराजे यांच्यावर जोरदार उपराेधक टीका केली आहे. खासदार उदयनराजे यांच्या चित्राचा वाद हा महाराष्ट्र , कर्नाटक सीमावाद आणि जम्मू-काश्मीरच्या वादापेक्षाही गहन वाद आहे. राज्यसभेचे खासदार उदयनराजे यांचे चित्र काढायला देत नाहीत याची चर्चा राज्यसभेत होणार असल्याची माहिती मला समजत आहे.

खासदार उदयनराजे यांचे चित्र नेमकं कुठं काढायचं याचा निर्णय आता राज्यसभाच देईल. चाललेला प्रकार म्हणजे बालिशपणाचा कळसच आहे. चित्र भिंतीवर काढण्यापेक्षा अजिंक्यतारा किल्ल्यावरच काढा असा उपरोधक टोला आमदार शिवेंद्रराजे भोसले यांनी लावला आहे.

Udayanraje Bhosale, Shivendraraje Bhosale
Mumbai News : वर्षभर पोट दुखत होतं, मग डॉक्टरांकडे गेली; महिलेचा सोनोग्राफी रिपोर्ट पाहून डॉक्टर आश्चर्यचकीत!

पुढं बाेलताना शिवेंद्रराजे म्हणाले मराठीत एक म्हण आहे साठी बुद्धी नाठी. आता नुकताच उदयनराजे यांचा वाढदिवस झाला आहे. त्यांची वाटचाल साठीकडे सुरू आहे. ही म्हण त्यांना लागू होऊ नये म्हणून त्यांनी वेळीच कार्यकर्त्यांना आवर घातला पाहिजे असा सल्ला आमदार शिवेंद्रराजे भोसले यांनी उदयनराजेंना दिला आहे. (Maharashtra News)

एका चित्रावरून पेंशनरांचे गाव म्हणून ओळख असणाऱ्या शांत साताऱ्याचे वातावरण गेल्या चार दिवसांपासून चांगलच ढवळून निघालं आहे. स्टेजवरून पुष्पा चित्रपटातील झुके गा नहीं साला अशी डायलॉग बाजी करुन तरुणाईला घायाळ करणारे खासदार उदयनराजे आता काय करणार याकडे सर्वांचे लक्ष लागून राहिले आहे.

Edited By : Siddharth Latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com