मुंबईकरांसाठी एक आनंदाची बातमी आहे. लोकल ट्रेनच्या नेरूळ - उरण मार्गावरील प्रवाशांची लवकरच गर्दीपासून सुटका होणार आहे. नवीन गाड्या सुरू केल्या जाणार आहेत. तसेच लोकलच्या फेऱ्या देखील वाढवणार असल्याची माहिती आहे. यामुळे प्रवाशांची गर्दी लक्षणीयरीत्या कमी होणार असल्याची माहिती आहे. याव्यतिरिक्त हार्बर मार्गावर लवकरच दोन नवीन स्थानके उभारण्यात येणार आहे. यामुळे प्रवाशांना दोन नवीन स्थानके उपलब्ध होतील.

अलिकडेच, हार्बर मार्गावरील नेरूळ ते उरण रेल्वे मार्ग खुला करण्यात आला आहे. खारकोपर ते उरण मार्ग आता प्रवाशांसाठी कार्यान्वित करण्यात आला आहे. नेरूळ ते उरण मार्गावर सध्या ११ स्थानके आहेत. यापैकी दोन स्थानकांचे काम जवळजवळ पूर्ण झाले आहेत.

उरण मार्गावरील गव्हाण आणि तारघर या दोन स्थानकांचे बांधकाम सुमारे ९० टक्के पूर्ण झाले आहे. ही स्थानके लवकरच जनतेसाठी खुली होण्याची शक्यता आहे. मुंबईकरांना याचा नक्कीच फायदा होईल. बेलापूर ते बामनडोंगरीदरम्यान, तारघर स्टेशन बांधले जाईल. तर, खारकोपर आणि शेमातीखारदरम्यान, गव्हाण स्टेशन बांधले जाईल.

नवी मुंबई आंतरराष्ट्रीय विमानतळ देखील लवकरच प्रवाशांच्या सेवेत रूजू होईल. दरम्यान, विमानतळाजवळ असलेल्या तारघर रेल्वे स्टेशनचे काम अंतिम टप्प्यात आहे.

या रेल्वे मार्गावर ११ स्थानके असतील

या मार्गावर एकूण ११ रेल्वे स्थानके आहेत. नेरूळ, सीवूड - दारावे, सागरसंगम, तारघर, बामनडोंगरी, खारकोपर, गव्हाण, न्हावाशेवा, रंजनपाडा, द्रोणागिरी आणि उरण ही रेल्वे स्थानके आहेत.

दरम्यान, मध्य रेल्वेने सीवूड दारावे - बेलापूर उरण रेल्वे मार्गावर २० अतिरिक्त लोकल गाड्यांची घोषणा केली आहे. ऑक्टोबरमध्ये जाहीर होणाऱ्या नवीन वेळापत्रकात या वाढीव सेवांचा समावेश केला जाईल, यामुळे या मार्गावरील प्रवाशांना चांगली सुविधा मिळेल.