मुंबई: वकील गुणरत्न सदावर्तेंचे वकील महेश वासवानींनी त्यांचं वकीलपत्र सोडल्याची माहिती आहे. याबाबत सध्या अधिकृत माहिती नसली, तरी सूत्रांच्या माहितीनुसार महेश वासवानींनी त्यांचं वकीलपत्र सोडलं आहे (Gunratan Sadavartes LawyerMahesh Vaswani Left The Case).

महेश वासवानींनी जिल्हा न्यायालयात हा खटला लढण्याचा पूर्ण प्रयत्नव केला होता. मात्र, मिळालेल्या माहितीनुसार, सदावर्ते यांचे वकील वासवानींनी त्यांचं वकीलपत्र सोडलं आहे. आता सदावर्ते यांची ही लढाई कोण पुढे नेणार असा प्रश्न आहे. सदावर्ते यांच्या पत्नी जयश्री पाटील या वकील आहेत. त्या हा खटला लढणार का हे पाहावं लागणार आहे.

गुणरत्न सदावर्तेंवर (Gunratan Sadavarte) ज्या प्रकारचे गुन्हे दाखल आहेत त्यामुळे पोलीसही वेगवेगळ्या पद्धतीने तपास करत आहेत. आज सदावर्ते यांना गिरगाव सत्र न्यायालयात दाखल करण्यात आले. सदावर्ते यांच्यावरील सुनावणी सध्या सत्र न्यायालयात सुरुये. सातारा पोलीसही गिरगाव सत्र न्यायालयात दाखल झाले. सातारा पोलिसांनी सदावर्ते यांच्याशी चर्चा केली.

सदावर्तेंचा ताबा घेण्यासाठी सातारा पोलीस मुंबईत

सदावर्ते यांच्याविरोधात फलटण येथे एक प्रकरण दाखल असल्याची प्राथमिक माहिती आहे. सातारा पोलीस अधिकारी भगवान निंबाळकर हे आज गिरगाव सत्र न्यायालयात आले आहेत. फलटणच्या एका प्रकरणात ते सदावर्तेंचा ताबा घेणार आहेत.

ताबा मागण्यासाठी सातारा पोलीस अर्ज करतील. मात्र, गावदेवी केसमध्ये त्यांना कोठडी होण्याची दाट शक्यता आहे. या प्रकरणात कोर्टाकडे ताबा मागण्यासाठी सातारा पोलीस दाखल झाले आहेत.

Edited By - Nupur Uppal