- अक्षय बडवे

Pune News : राज्यातील नागरिकांची उकाड्यापासून होणार सुटका. उद्यापासून पुढील ४ दिवसात राज्यातील उष्णतेत (maharashtra heat wave) मोठी घट होणार आहे. परिणामी उन्हाळ्यामुळे हैराण झालेल्यांना मोठा दिलासा मिळणार आहे. (Breaking Marathi News)

संपूर्ण राज्यात सध्या कडक उन्हाळा जाणवत आहे. अनेक जिल्ह्यांचे तापमान 41 पर्यंत पाेहचले आहे. दरम्यान कमाल तापमानात उद्यापासून पुढील ४ दिवस घट होणार असून उष्णतेमुळे हैराण झालेल्या नागरिकांना मोठा दिलासा मिळणार आहे. पुढील चार दिवस राज्यभरतील तापमानात मोठी घट होणार असल्याची माहिती पुणे वेध शाळेचे प्रमुख डॉ. के. एस. होसाळीकर (K S Hosalikar) यांनी दिली आहे.

दुसऱ्या बाजूला, गेल्या काही दिवसात पुण्याचे तापमान ४० च्या वर जात आहे. पुण्यात एप्रिल किंवा मे महिन्यात ४० अंश तापमान बऱ्याचदा नोंदी झाल्या आहेत. ४० अंशापेक्षा जास्त तापमान गेल्यावर नागरिकांनी काळजी घ्यावी.

दुपारी १२ ते ४ वाजेपर्यंत लोकांनी गरज नसेल तर बाहेर पडू नये असे देखील आवाहन हवामान विभागाने केले आहे.

Edited By : Siddharth Latkar