LTT fire at kurla in Mumbai :

मुंबईमधील कुर्ल्याजवळील लोकमान्य टिळक टर्मिनस येथे आग लागली. धुराचे लोट बाहेर पडत होते. टर्मिनसवरील कँटीनमध्ये ही आग लागल्याची प्राथमिक माहिती आहे. या घटनेची माहिती मिळताच, अग्निशमन दलाचे कर्मचारी घटनास्थळी पोहोचले आहेत. आग आटोक्यात आणण्याचे प्रयत्न सुरू असल्याची माहिती देण्यात आली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुंबईतील (Mumbai Fire News) लोकमान्य टिळक टर्मिनसवरील कँटीनमध्ये (LTT Railway Station Canteen ) बुधवारी दुपारी भीषण आग लागली. आग इतकी पसरली की आगीचे लोळ आणि धुराचे लोट मोठ्या प्रमाणात बाहेर पडत होते. या घटनेची माहिती मिळताच, अग्निशमन दलाचे कर्मचारी बंब घेऊन घटनास्थळी पोहोचले. त्यांनी आग आटोक्यात आणण्यास सुरुवात केली.

पीटीआयच्या वृत्तानुसार, एलटीटीवरील (LTT Fire News) फलाट क्रमांक १ वर जन आहार कँटिनमध्ये (Jan Aahar Canteen) ही आग लागली. दुपारी साधारण पावणेतीनच्या सुमारास ही घटना घडली. रेल्वे अधिकाऱ्यांच्या (Railway Officer ) माहितीनुसार, या घटनेत आतापर्यंत कुणीही जखमी झाल्याचे वृत्त नाही. काही वेळातच या आगीच्या घटनेचा व्हिडिओ सोशल मीडियावर व्हायरल झाला होता.

स्टेशनच्या इमारतीतून वरच्या बाजूला आगीचे लोळ आणि धूर मोठ्या प्रमाणात बाहेर पडत असताना या व्हिडिओत दिसत होते.

मध्य रेल्वेचे (Central Railway) मुख्य जनसंपर्क अधिकारी डॉ. शिवराज मानसपुरे यांनी पीटीआयला यासंदर्भात माहिती दिली. रेल्वे स्थानकावरील जन आहार कँटीनमध्ये ही आग लागली, असे त्यांनी सांगितले.

रेल्वे गाड्या सुरू आहेत. फलाट क्रमांक १ बंद आहे. काही वेळानं ते सुरू होईल. हॉटेलचं काम सुरू होतं, तिथं आग लागली असावी. या घटनेची चौकशी केली जाईल. त्यानंतर कारवाई करण्यात येईल, अशी माहिती मध्य रेल्वेचे (Central Railway Service) विभागीय संचालक रजनीश गोयल यांनी दिली.