सागर आव्हाड, पुणे प्रतिनिधी

fir filed against vasant more for unauthorized protest in pune : पुणे शिवसेना उद्धव बाळासाहेब ठाकरे प्रवक्ते आणि माजी आमदार वसंत मोरे यांच्याविरोधात भारती विद्यापीठ पोलिसात गुन्हा दाखल करण्यात आला आहे. कात्रज कोंढवा रस्त्यावरील बस स्थानकावर विनापरवाना मोर्चा काढल्याप्रकरणी मोरे यांच्या सह 37 जणांविरोधात गुन्हा दाखल करण्यात आलाय. (political protest without permission lands shiv sena leader in legal issue)

विनापरवाना आंदोलन केल्याप्रकरणी शिवसेना नेते आणि माजी आमदार वसंत मोरे आणि त्यांच्या ३७ साथीदारांचच्या विरोधात आज भारती विद्यापीठ पोलीस ठाण्यात गुन्हा दाखल करण्यात आला आहे. याबाबत वसंत मोरे यांच्याकडून अद्याप कोणतीही प्रतिक्रिया देण्यात आलेली नाही. पण ठाकरेंच्या शिवसेनेच्या कार्यकर्त्यांकडून याबाबत तीव्र नाराजी व्यक्त केली आहे.

'स्टंटबाजी बंद करा', 'कात्रज कोंढवा रस्ता' पूर्ण करा, असे फलक वंसत मोरे यांच्या मोर्च्यामध्ये दिसले होते. पुणे महापालिकेच्या ताब्यातील जागेचे पैसे कुणाला दिले. कात्रज चौकाचा दिखावा बंद करा, कात्रज कोंढवा रोड पूर्ण करा अशी घोषणाबाजीही यावेळी वंसते मोरे आणि कार्यकर्त्यांनी केली होती. याप्रकरणी भारती विद्यापीठ पोलिसात आज गुन्हा दाखल करण्यात आला आहे.

पुण्यातील कात्रज कोंढवा रस्त्याची पाहणी करण्यासाठी मनपाचे अधिकारी आले होते. त्यावेळी यावेळी आमदार योगेश टिळेकर, अतिरिक्त आयुक्त ओमप्रकाश दिवटे, पथविभाग प्रमुख अनिरुद्ध पावसकर यांच्यासह विविध विभागाचे अधिकारी उपस्थित होते. यावेळी वसंत मोरे यांनी समर्थकासह मोर्चा काढून घोषणाबाजी केली होती. या प्रकरणात आता पोलिसांनी कठोर कारवाई केली असून वसंत मोरे यांच्या विरोधात विविध कलमांतर्गत गुन्हा दाखल केला आहे.